«Аптап ыстық болады»: Алдағы күндердің ауа райына болжам жасалды

Қазақстанда аптап күтіледі. Синоптиктер 1-3 шілдеге арналған ауа райы болжамын ұсынды, - деп хабарлайды Tengrinews.kz тілшісі.

Метеорологтардың айтуынша, Иран аудандарынан ыстық және құрғақ ауа массаларының келуі елдің көп бөлігінде өте ыстық ауа температурасын сақтайды. Тек республиканың батысында, солтүстік-батысында циклонның келуімен найзағай ойнап, жаңбыр жауады. Сондай-ақ, бұршақ жауып, жел екпінінің күшеюі және ауа температурасының төменеуі күтіледі.

"Термометр бағандары түнде солтүстікте, оңтүстікте және орталықта 12-25 градус, күндіз 30-44 градус ыстық болады. Шығыста түнде 12-20, күндіз 27-35 градус жылы, ал батыста түнде 15-26, күндіз 28-36 градус болады деп күтіледі", - делінген хабарламада.