Көп балалы аналардан таяқ жеген ресми өкіл оқиғаның мән-жайын айтып берді

Денсаулық сақтау министрлігінде бір топ әйел ведомство өкілдеріне бас салды. Оқиға туралы ҚР ДСМ санитарлық-эпидемиологиялық бақылау комитетінің ресми өкілі Ержан Байтанаев пост жазды, деп хабарлайды ҚазАқпарат.

«Өзім қызмет еткен жылдары көптеген қиын және қызу сәттерге тап болдым, тіпті жағдай күрделеніп, қақтығыс басталып кетердей көрінетін.

Бірақ, біз өз біліктілігімізге және тараптардың сындарлы диалогқа мүдделі болуына байланысты қашанда мұндай жағдайлардан аулақ бола алдық.

Ал бүгін мені арсыздығымен және ашу-ызасымен қайран қалдырған оқиға болды.

Жоқ, маған қатысты емес, мен ер адаммын және бір-екі әйел үшін шағымдану жараспайды. Мені көпбалалы аналардың, оның ішінде мүгедектігі бар балаларды тәрбиелеп отырған аналардың тура сондай мүгедек адамға, Денсаулық сақтау министрлігінің қоғамдық қабылдау бөлмесіндегі қызметкер қызға деген қарым-қатынасы таң қалдырды», – деп жазды Ержан Байтанаев Facebook желісінде.

Оның айтуынша, әйелдер ғимаратқа баса-көктеп кіріп, кінәсіз қызметкерге, мүмкіндігі шектеулі адамға агрессия көрсеткен. Қызметкердің оларға көмектесуге тырысқаны үшін де тіл тигізіп, күш қолдана бастаған.

«Осы әйелдердің ашуына тап болған мүмкіндігі шектеулі қыз сияқты балаларды тәрбиелеп отырған аналардың қатыгездігіне қайранмын.

Егер олар осындай қорғансыз адамға күш көрсете алса, мүгедектердің құқықтарын қорғауды талап етуі екіжүзділік болып шықпай ма? Мүмкіндігі шектеулі адамға аналардың агрессия көрсетуі дұрыс па?

Біз әрқашан диалогқа және тиісті реакцияға, тыңдауға, көмектесуге, ымыраға келуге дайынбыз, өйткені біз зайырлы және құқықтық мемлекетте өмір сүріп жатырмыз.

Мен барлық азаматтарды саналы болуға шақырамын!

Егер сізде қандай да бір сұрақтар немесе мәселелер туындаса, біз әрдайым келіссөздер үстеліне отыруға және агрессия мен қорлауға жүгінбестен оларды ашық шешуге дайынбыз. Еліміздің әрбір азаматының игілігі мен денсаулығы үшін әрі қарай жылжимыз!» – деді Е. Байтанаев.