Жаңалықтар 26.07.2021 сағат 04:35

Павлодар әкімі бақаларға шағымданған тұрғындарға жауап берді

Тұрғындар су қоймасының жанында тұратынын, ол жерде бақа қаптағанын, олар түнде ұйықтауға мүмкіндік бермейтінін айтып, әкімге шағымданған.
Павлодар әкімі бақаларға шағымданған тұрғындарға жауап берді
Фото: ашық дереккөз
Бөлісу
Бөлісу
Бөлісу

Павлодардағы шағын аудандардың бірінің тұрғындары бақалар түнімен ұйқы бермейтінін айтып, қаланың жаңа әкімі Асайын Байхановқа шағымданды, - деп хабарлайды Tengrinews.kz.

Тұрғындар су қоймасының жанында тұратынын, ол жерде бақа қаптағанын, олар түнде ұйықтауға мүмкіндік бермейтінін жазды.

"Бұл сұмдық! Біздің әдемі Ертісіміз батпаққа айналады! Түні бойы бақалар бақылдайды. Не істеуге болады?" - деп әкімге жүгінді тұрғындар.

Әкім павлодарлықтардың шағымын әзілмен қабылдады. Бірақ жауап бермес бұрын павлодарлықтардың пікірін сұраған. Асайын Байханов түрлі өтініш түсетінін, бірақ онымен не істейтінін және қалай жауап беру керегін білмейтінін атап өтті.

"Не деп жауап беруге болады деп ойлайсыздар? Шынында, оның үш-ақ нұсқасы бар: 1 "Біз Усолка бөгетіндегі бақаны жоямыз", 2 "Кешіріңіздер, біз ештеңе істей алмаймыз, бақалар экожүйе бөлігі, олар табиғатқа пайдалы", 3 - елемей, осындай мәселелер бойынша естімейтін әкімдікке айналамыз. Сіздің пікіріңіз қандай?", - деп жазды Байханов Instagram желісіндегі парақшасында.

Тұрғындардың да пікірі екіұшты болған. 

Кейбір қолданушы әкімді осындай ұсақ-түйек сұрақтармен мазалаудың қажеті жоқ деген пікір білдірді, ал басқалары қалада бақасыз да проблема жеткілікті екенін жазды. Пікір білдіргендердің тағы бір бөлігі биыл бағбандар кінәсінен батпаққа айналған Усолка өзенінің ластану проблемасына көңіл аударуды ұсынды.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар