$ 448.15  483.46  4.86

«Жұмыс – қауіпті, бірақ маған біреуді құтқару маңыздырақ»

Азаматтық қорғау органдары қызметкерлерінің 2021 жылда белгіленген орташа жалақысы 154 114 теңгені құрайды. ТЖМ жалақы атқаратын лауазымына және еңбек өтіліне байланысты берілетіні айтады.
Фото: ашық дерекөз
Фото: ашық дерекөз

Азаматтық қорғау органдары қызметкерлерінің 2021 жылда белгіленген орташа жалақысы 154 114 теңгені құрайды. ТЖМ жалақы атқаратын лауазымына және еңбек өтіліне байланысты берілетіні айтады. 

Өрт сөндіру қызметі саласындағы көп бонустың бірі– мемлекеттік бағдарлама немесе қызметтік пәтер бойынша тұрғын үй алу мүмкіндігі. Олар кезек бойынша бөлінеді. Сондай-ақ, егер облыс немесе қала гарнизонында алаңдар болса беріледі. Шешімді тұрғын үй комиссиясы қабылдайды, -деп жазады Skifnews.kz ақпараттық порталы.

«Алматы жастары» бағдарламасы бойынша пәтер алған бақытты жандардың бірі Алматы қаласының №9 өртке қарсы бөлімі бастығының орынбасары, азаматтық қорғау аға лейтенанты Мейірбек Кратов.

Мейірбек Кратов 30 жаста. Программист және жүк тасымалдары бойынша білім алған. Алайда мамандығы бойынша жұмыс істемеді. Өрт сөндіру бөліміне қызығып келген. Еңбек жолын қатардағы қызметкерден бастаған, қазір – бастықтың орынбасары. 2019 жылдың соңында мемлекеттік бағдарлама бойынша пәтер алды. 

«Мен бұл қандай сала екенін де білмедім, бірақ маған алғаш ұнады. Мен жұмыс қауіпті екенін білдім, бірақ мен үшін адамдарға көмектесу, оларды құтқару өте маңызды, өйткені олар бізден көмек күтеді. Біздің ұжым тату, барлығы бір-бірін қолдайды, қол ұшын созуға даяр тұрады. Мен қызметім туралы үнемі мақтанышпен айтамын және біздің қатарымызға шақырамын, өйткені біздің жұмысымыздың қандай беделді әрі жақсы екенін бәрі біле бермейді», – дейді Мейірбек Кратов.

Жалпы, өрт сөндірушілер демалысқа жылына бірнеше рет шыға алады:

  • жыл сайынғы ақылы еңбек демалысы – 30 күн, екі лауазымдық жалақы мөлшерінде сауықтыру жәрдемақысы төленеді;
  • қысқа мерзімді демалыс – 10 күнге дейін – қызметкерлерге шұғыл әлеуметтік-тұрмыстық мәселелерді шешу үшін, сондай-ақ басқа да дәлелді себептер бойынша беріледі;
  • қосымша ақылы демалыс – 5 күннен 15 күнге дейін-еңбек сіңірген жылдары үшін және қызмет өткерудің ерекше жағдайлары үшін.

Әлеуметтік пакетке:

•    коммуналдық қызметтер шығындарын төлеу үшін өтемақы-3739 теңге;
•    еңбекке жарамсыздық және демалыс кезінде жалақыны сақтау;
•    медициналық қамтамасыз ету;
•    қызметтік міндеттерін атқару кезінде мертіккен (жараланған, жарақаттанған, контузия алған) қызметкерлер үшін санаторий-курорттық емделу кіреді.

Ерлік еңбегі үшін өрт сөндірушілер мемлекеттік наградаларға ұсынылуы мүмкін:

ІІІ дәрежелі «Айбын» ордені;
«Ерлігі үшін» медалі;
«Жауынгерлік ерлігі үшін» медалі;
Қазақстан Республикасының Құрмет грамотасы.

Айта кету керек, 2010 жылдан 2020 жылға дейін мемлекеттік наградаларды 108 өрт сөндіруші алды.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары