Жаңалықтар 06.10.2021 сағат 11:00

Қарағандыда фермер көршісінің жылқыларын атып тастады

Оған малдың арпа өсетін алқапта жайылып жүргені себеп болған.
Қарағандыда фермер көршісінің жылқыларын атып тастады
Бөлісу
Бөлісу
Бөлісу

Шығын көлемі үш миллион теңгеден асты, бірақ мерген фермер де бүлінген бидай үшін көршісінен ақша өндіріп алуды көздеп отыр, деп хабарлайды sputnik.kz.

Полицияның ақпаратынша, 71 жастағы күдікті өз алқабынан бір үйір жылқыны көреді. Астығын құтқару үшін, алдымен, аспанға оқ атқан, алайда кездейсоқ жылқыларды атып тастады.

Мерген шаруа екі жылға дейін бас бостандығынан айырылуы мүмкін.

"Бұл факті бойынша Қылмыстық кодекстің 202-бабы (Бөтеннің мүлкін қасақана жою немесе бүлдiру) бойынша қылмыстық іс тіркелді. Полиция қызметкерлері тіркелген аңшы мылтығын тәркіледі. Тергеу жүріп жатыр", - деп мәлімдеді Қарағанды облысы полиция департаментінің баспасөз хатшысы Бақытжан Құдияров.

Полиция жылқылар неге қараусыз жайылғанын анықтап жатыр. Белгілі болғандай, өлген малдың иесі – дәл сол ауылдың 62 жастағы тұрғыны. Оның шығыны үш миллион теңгеден асты.

Алайда жылқыларды атып тастаған ер адам да бүлінген астық үшін көршісінен ақша өндіріп алмақ. Қаражар ауылдық округінің әкімі Сымбат Кенжекеева фермер мал иесіне бірнеше рет ескерткенін мәлімдеді.
 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар