Жаңалықтар 06.10.2021 сағат 12:20

Петропавлда баспана кезегінен шығып қалған жетім жігіт «өлгендер» тізіміне қосылып кеткен

Жас жігіт өзінің тірі екенін дәлелдеп, кезекке қосылу үшін қайта құжат жинаған.
Петропавлда баспана кезегінен шығып қалған жетім жігіт «өлгендер» тізіміне қосылып кеткен
Бөлісу
Бөлісу
Бөлісу

Петропавл тұрғыны Александр Рябуха 25 жаста. Жетімдер үйінде өскен ол бірнеше жылдан бері пәтер кезегінде тұр. Жақында жігіт өзінің тізімнен шығып қалғанын білген, деп хабарлайды Stan.kz.

"Наурыз айын қарағанда мен әкімдіктің баспана бойынша кезегінде болдым. Бірақ маған мені кезектен алып тастағандығы жөнінде sms-хабарлама келді. Тізім жарты жылда бір рет жаңартылады. Сол себепті күттім. Жақында ол жаңартылыпты, менің тізімде жоқ екенімді досым көріп, айтты. Иә, шынында да жоқ екенмін. Әкімдікке барып білдім. Бұл қателік дейді. Кезектен алып тастау себебінде менің көз жұмғаным көрсетіліпті. Өткен екі күн бойы өзімнің тірі екенімді және мені қайта кезекке қосулары үшін құжаттар жинадым", - дейді Александр Рябуха.

"Республикалық мәліметтер базасында жүйелік бұзылу болған. Салдарынан Александрдың мәртебесі көрінбейді. Ол өткен аптада қалалық әкімдікке келді, оған не істеу қажеттігі айтылды. Ертең көші-қон полициясына барып, мәртебесін жаңартамыз. Мәртебесі 5 күннің ішінде өзгеруі керек. Тек содан кейін ғана оны баспана бойынша кезекке бұрынғы орнына қайта қояды. Мәселені бақылауда ұстап отырмыз", - дейді Петропавл қаласы әкімдігінің ішкі саясат бөлімі басшысы Азат Ыбыраев.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар