Ақтөбе облысында жетім балалардың қамқоршылары ақша жымқырды

Ақтөбе облысында жетім балалардың қамқоршылары 1,5 млн теңгеден астам қаржыны жымқырған, деп хабарлайды zakon.kz ҚР Қаржы министрлігінің баспасөз қызметіне сілтеме жасап.

Ақтөбе облысы бойынша Ішкі мемлекеттік аудит департаментінің қызметкерлері Хромтау аудандық білім беру бөлімінде аудиторлық тексеру жүргізу барысында кәмелетке толмаған жетім балалардың төлемдерін екі көзден алып отыру үшін, олардың қамқоршылары қос-қостан шот ашқанын анықтады, делінеді хабарламада.