Жаңалықтар 29.07.2014 сағат 04:43

Көкшетау, Екібастұз және Балқаш қалаларында құтқару жұмыстары жүргізілуде

Өткен тәулікте ТЖМ күштері Көкшетау, Екібастұз, Балқаш қалаларында орын алған төтенше жағдайлар салдарын жоюға жұмылдырылды және ондағы азаматтарға көмек көрсетті, деп хабарлайды Skifnews.kz.

Бөлісу
Бөлісу
Бөлісу

Төтенше жағдайлар министрлігінің баспасөз қызметі мәлімдегендей, Көкшетау қаласында жауын-шашынның көп түсуіне байланысты Ақмола облысы ТЖД жеке құрамынан 80-нен астам адам 19 арнайы техника машинасымен, оның ішінде 2 өрт сөндіру-сорғы станциясымен қаланың коммуналдық қызметтерімен бірігіп су астында қалған үйлердегі суды тартып шығарды.

«Құтқарушылар түні бойы су астында қалған үйлерде тұратын адамдардың мүліктерін сақтап қалуға тырысты. 29 шілдеде сағат 08.00-дегі жағдай бойынша 108 нысанның, атап айтқанда 7 мемлекеттік мекеме мен 101 жеке тұрғын үй жертөле үй-жайындағы су сорып шығарылды. Суды сорып шығару жұмыстары жалғасуда. Су астында қалған орынды айналып өтуде. Көкшетау қаласының әкімдігінде 4 жедел топ ұйымдастырылды, олар 69 үйде тексеру жұмыстарын жүргізді», делінген хабарламада.

ТЖМ күштерінің Екібастұз қаласындағы жеке құрамы да дабыл бойынша көтерілді, сондай-ақ онда жауын-шашынның (жаңбыр) көп мөлшерде түсуі салдарынан 5 жеке тұрғын сектор, 3 көпқабатты тұрғын үй жертөле үй-жайлары, сондай-ақ бірқатар әлеуметтік объектілер су астында қалды. Жағдайға бақылау жүргізілуде.

Сондай-ақ Балқаш қаласында қатты желдің салдарын (екпіні секундына 20 метрге дейін) жою жұмыстары жалғасуда, жел 4 көпқабатты тұрғын үйдің, дәмхана ғимаратының, гараждың, № 8 мектеп спорт залының, демалыс орындарындағы үйлердің шатырларын жұлып әкетті, 4 ағаш, 2 ақпараттық қалқан, № 16 орта мектептің спорт кортының қоршауы құлады, 2 көше бойында электр беру желілері үзілді, қоғамдық көлік аялдамасы бұзылды, дүкен ғимаратының алдыңғы жағы қирады.

«Қаза болғандар мен зардап шеккендер жоқ. Оқиға орнында комиссия жұмыс жүргізуде. Шұғыл ден қою қызметтерінің күштері жөндеу-қалпына келтіру жұмыстарын жүргізуде», деп атап өтілді баспасөз хабарламада.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар