Ауа-райының тұрақсыздығына байланысты бес өңір бойынша ескерту жарияланды

27 қазандағы жағдай бойынша Қазақстанның бес облысында дауылды ескерту жарияланды, деп хабарлайды Zakon.kz "Қазгидромет" РМК-ға сілтеме жасап.

Солтүстік Қазақстан облысының оңтүстігінде, батысында түнде және таңертең тұман түсіп, жел соғады деп күтіледі. Петропавлда күндіз синоптиктердің болжамынша, батыстан, оңтүстік-батыстан соғатын желдің екпіні 15-20 м/с құрайды.

Қарағанды ​​облысының шығысында көктайғақ болу ықтималдығы жоғары. Түнде облыстың батысында тұман түседі.

Түнде және таңертең Ақмола облысының солтүстік-батысында – тұман.

Күндіз Түркістан облысының таулы аймақтарында оңтүстік-батыстан соғатын жел солтүстік-батысқа ойысып, екпіні 15-20 м/с болады деп күтіледі.

Ақтөбе облысының батысында және орталығында түнде және таңертең — тұман.