Жаңалықтар 04.11.2021 сағат 03:24

Қарағандыда ресейлік тарихшының Әлихан Бөкейханов туралы кітабы таныстырылды

Автордың айтуынша, кітапқа бұрын ғылыми айналымда болмаған деректер енген.
Қарағандыда ресейлік тарихшының Әлихан Бөкейханов туралы кітабы таныстырылды
Фото: ҚазАқпарат
Бөлісу
Бөлісу
Бөлісу

Е.А.Бөкетов атындағы Қарағанды университетінде тарих ғылымдарының докторы Виктор Козодойдың «Әлихан Бөкейханов. Дәуір тұлғасы» атты монографиясының тұсаукесері өтті, деп хабарлайды ҚазАқпарат. 

Ресей профессорымен кездесуге зиялы қауым өкілдері, ЖОО студенттері мен оқытушылары келді.

Виктор Козодойдың зерттеу мүдделеріне Сібір мен Ресей революциясының қоғамдық-саяси өмірінің тарихы, сондай-ақ тарихи тұлғалардың өмірбаяны кіреді. 

«Әлихан Бөкейханов. Дәуір тұлғасы» кітабын жазуға екі жыл уақыт жұмсалған. Тарихшы қазақ саясаткері мен қоғам қайраткері туралы материалдарды тірнектеп жинаған. Ақпарат көзі ретінде мұрағат құжаттары, Бөкейхановтың әріптестері бөліскен естеліктері, сол жылдардағы газеттер мен журналдардағы жарияланымдар пайдаланылды. 

Автордың айтуынша, кітапқа бұрын ғылыми айналымда болмаған деректер енген. Кітап 1000 дана таралыммен шықты. Басылым Новосибирскіде басылған. Алдағы уақытта монографияны қазақ және ағылшын тілдеріне аудару жоспарланып отыр.
 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар