$ 444.32 € 473.33 ₽ 4.76
ТЖМ Ақтауда жарылыс кезінде қаза тапқандар туралы әлеуметтік желілерде таралған хабарламаларға қатысты жауап берді, - деп хабарлайды Tengrinews.kz тілшісі.
ТЖМ ресми өкілі Талғат Уәли қазір зардап шеккендер туралы ақпарат жоғын айтты.
"Әлеуметтік желілерде таратылған 7 адамның өлімі туралы хабарламалар шындыққа жанаспайды. Алдын ала ақпарат бойынша, жарылыс кезінде кафеде ешкім болмаған", - деді Талғат Уәли.
Маңғыстау облысының әкімдігінде жарылысқа байланысты Ақтау ауруханасына қазір ешкім көмек сұрап, жүгінбегенін мәлімдеді. Еске салайық, 7 қарашада кешке Ақтауда "Шерқала" кешенінде орналасқан екі қабатты "Аян" кафесінде жарылыс болып, нәтижесінде ғимарат қираған еді.
