Жаңалықтар 10.11.2021 сағат 12:20

Алматы тұрғыны әйелінің көңілдесін балталап өлтірген

Оқиғаның мән-жайы белгілі болды.
Алматы тұрғыны әйелінің көңілдесін балталап өлтірген
Фото: stan.kz
Бөлісу
Бөлісу
Бөлісу

Тәртіп сақшылары 32 жастағы Алматы тұрғынын ұстады. Полицейлердің айтуынша, ол әйелінің көзіне шөп салғанын білген бойда оның көңілдесін балталап тастаған, деп хабарлайды Stan.kz. 

Трагедия Қырғауылды елді мекенінде марқұмның үйінде болған.

32 жастағы ер адам досын туған күнімен құттықтауға келген. Мерекелік дастарханда алматылық жігіт әйелінің опасыздық жасағанын күтпеген жерден біліп қалып, 36 жастағы туған күн иесін балтамен ұрған.  

Жәбірленуші ауруханаға жеткізілді, алайда дәрігерлер оның өмірін құтқарып қала алмады.
Ер адам есін жимастан қайтыс болды. Күдікті ұсталды. Қазір ол уақытша ұстау изоляторында. Қылмыстық іс қозғалды.

"Алматы қаласының 32 жастағы тұрғыны адам өлтіргенін мойындады. Қылмыс құралы – балта тәркіленіп, іске заттай айғақ ретінде қосылды", - дейді Алматы облысы полиция департаментінің ресми өкілі Ақбота Қуанышбекқызы.

Күдікті 2014 жылы сотталған болып шықты. Ол кезде де адам өлтірген. 

Бұл оқиға ауыл тұрғындарын есеңгіретіп тастады. Олардың айтуынша, Қырғауылдыда мұндай трагедия алғаш рет болып отыр.

"Бүгінге дейін біздің ауыл тыныш болатын. Мұнда көптен бері тұрамын, мұндай жағдай болған емес", - дейді Қасымхан Естемесов.

"Жастарымыз өте тәрбиелі. Спирттік ішімдіктерді, темекі өнімдерін тұтынбайды. Яғни олардың бір жерде темекі шегіп тұрғанын көрмейсің", - дейді Анна Нұрлыбекова.

Күдікті "Адам өлтіру" бабы бойынша он бес жылға дейін бас бостандығынан айырылуы мүмкін.  
 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар