Тұман түсіп, көктайғақ болады: Еліміздің бірқатар өңірінде ауа райына байланысты ескертулер жарияланды

Еліміздегі алты облысында ауа райының қолайсыздығына байланысты синоптиктер ескертулер жариялады, деп хабарлайды Stan.kz. 

Қазгидрометтің мәліметінше, 12 қарашада батысында түнде және таңертең Солтүстік Қазақстан облысының оңтүстігінде тұман түседі, көктайғақ болуы ықтимал. Солтүстік-батыстан соғатын жел оңтүстік-батысқа ауысалы, күндіз облыстың оңтүстік-батысында екпіні 15-20 м/с жетеді. 

12 қарашада таңертең және күндіз Түркістан облысының солтүстігінде, таулы аудандарында шаңды дауыл тұрады, оңтүстік-батыстан, батыстан соққан желдің жылдамдығы 15-20 м/с жетеді.

12 қараша күні Қарағанды облысының солтүстігінде оңтүстік-батыстан соққан желдің екпіні 15-20 м/с жетеді.

12 қарашада түнде Ақмола облысының солтүстігінде, батысында, күндіз шығыс жартысында көктайғақ болады, жаяу бұрқасын соғуы ықтимал. Облыстың солтүстік-батысында тұман түсуі мүмкін. Оңтүстік-батыстан, батыстан жел соғады, түнде облыстың солтүстігінде, батысында, күндіз облыстың шығыс жартысында желдің екпіні 15-20 м/с жетеді.

Көкшетауда ертең түнде тұман түседі, көктайғақ болады. 12 қараша Батыс Қазақстан облысының оңтүстігінде тұман түсуі ықтимал. Жел оңтүстік-батыстан соғады, күндіз облыстың солтүстігінде, солтүстік-батысында екпіні 15-20 м/с жетеді. Сондай-ақ Оралда ертең жел оңтүстік-батыстан соғады, күндіз екпіні 18 м/с жетеді.

12 қарашада Ақтөбе облысының солтүстігінде көктайғақ болуы мүмкін.