Жаңалықтар 15.11.2021 сағат 16:20

Магистратура мен докторантураға құжат қабылдау мерзімі ұзартылды

Білім беру гранттарын тағайындау конкурсына қатысу үшін құжаттар 2021 жылғы 25 желтоқсанға дейін қабылданады.
Магистратура мен докторантураға құжат қабылдау мерзімі ұзартылды
Фото: stan.kz
Бөлісу
Бөлісу
Бөлісу

Магистратура мен докторантураға түсу үшін құжаттарды қабылдау мерзімі 18 қарашаны қоса алғандағы мерзімге дейін ұзартылды, деп хабарлайды Stan.kz. 

Естеріңізге сала кетейік, 1 қарашада магистратураға түсу үшін екінші кешенді тестілеуге және докторантураға түсу емтихандарына құжаттар қабылдау басталғаны туралы жарияланған болатын.
Қазақстандықтардың өтініштерін ескере отырып, енді кешенді тестілеуге қатысу үшін өтінім беру мерзімі тағы үш күнге ұзартылды.

Бұған дейін Білім және ғылым министрі Асхат Аймағамбетов әлеуметтік желілердегі парақшаларында магистратура мен докторантураға қабылдау жылына екі рет, яғни дәстүрлі түрде жазда және қосымша қыста өтетінін хабарлаған болатын.

Естеріңізге сала кетейік, магистратураға екінші кешенді тестілеуге және докторантураға түсу емтихандарына қатысу үшін тіркелу ҚР БҒМ Ұлттық тестілеу орталығының app.testcenter.kz сайты арқылы жүргізіледі. Магистратураға кешенді тестілеу және докторантураға түсу емтихандары 2021 жылғы 19 қараша басталып, 11 желтоқсанға дейін жалғасады.

Білім беру гранттарын тағайындау конкурсына қатысу үшін құжаттар 2021 жылғы 25 желтоқсанға дейін қабылданады. Оқуға қабылдау 2021 жылдың 26 желтоқсаны мен 2022 жылдың 10 қаңтары аралығында жүргізіледі.
 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар