$ 443.85 € 474.3 ₽ 4.8
«Қазгидромет мамандары 18-20 қараша аралығында ел аумағында ауа райы қандай болатынын айтты, деп хабарлайды ҚазАқпарат.
18-19 қарашада Антлантикалық циклон және атмосфералық фронттардың әсерінен Қазақстанның басым бөлігінде тұрақсыз ауа райы сақталады, қар жауады.
Шығыс Қазақстан облысының солтүстік-шығысында қатты жауын-шашын болжанады.
Республика бойынша тұман, көктайғақ, сондай-ақ еліміздің солтүстік жартысында бұрқасын болып, екпінді жел соғады.
20 қарашада суық солтүстік-батыс антициклон келеді, соның ықпалымен республиканың басым бөлігінде жауын- шашын тоқтайды.
Алайда елдің батысы мен солтүстік-батысында кезекті циклонның салдарынан қайтадан жауын-шашын (жаңбыр, қар) жауады.
Ауа температурасының ауытқуы Қазақстанның батысында түнде 0-5-тен 5- 10-ға дейін аяз, солтүстік-батыста, солтүстікте, орталықта 5-15-тен 15-25-ке дейін аяз, оңтүстік өңірлерде 5-13-тен 8-16-ға дейін аяз, шығыста 2-10-нан 15-25-ке дейін аяз болады.
