Жаңалықтар 19.11.2021 сағат 16:00

Тоқаев коллекторлардың қызметін асыра пайдалануға жол бермеу тетіктерін қарастыруды тапсырды

Кездесу барысында Мемлекет басшысы борышкерлерге қатысты қаржы нарығындағы өкілдердің шектен шығу әрекеттеріне тоқталды.
Тоқаев коллекторлардың қызметін асыра пайдалануға жол бермеу тетіктерін қарастыруды тапсырды
Фото: inform.kz
Бөлісу
Бөлісу
Бөлісу

Сырттан тартылатын коллекторлардың қызметтерін асыра пайдалануға жол бермеу тетіктерін қарастыруды тапсырамын. Бұл туралы Алматыда қаржы секторының өкілдерімен кездескен Президент Қасым-Жомарт Тоқаев айтты, деп хабарлайды ҚазАқпарат. 

Кездесу барысында Мемлекет басшысы борышкерлерге қатысты қаржы нарығындағы өкілдердің шектен шығу әрекеттеріне тоқталды. 

«Несие мекемелерінің басшыларына ішкі рәсімдерді күшейту мәселесін пысықтауды, сондай-ақ жекелеген қызметкерлер мен сырттан тартылатын коллекторлардың қызметтерін асыра пайдалануға жол бермеу тетіктерін қарастыруды тапсырамын», – деді Қасым-Жомарт Тоқаев. 

Сондай-ақ Президент шағын және орта бизнесті несиелеу, оның ішінде ауылдардағы кәсіпкерлік бастамаларды дамыту еліміздің қаржы секторының басты басымдығы болуы керек деп есептейді. Мемлекет басшысының айтуынша, тұрақты және арзан қор жасау көздерінің жоқтығы микроқаржыландыру нарығындағы негізгі мәселенің бірі. 

«Мұндай ұйымдардың қызметі екінші деңгейлі банктерден алынатын қарыз бен жеке қаражат есебінен қаржыландырылады. Нәтижесінде тұтынушылар үшін несиелердің құны жоғары болады. Сондықтан Үкіметке Агенттікпен бірлесіп, микроқаржы ұйымдарының қолжетімді әрі ұзақ мерзімді қаржыландыру тетіктерін пысықтауды тапсырамын», – деді Қасым-Жомарт Тоқаев.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар