Жаңалықтар 25.11.2021 сағат 14:40

Шымкентте қылмыстық топтар 3 млрд теңге шығын келтірген

Қазіргі уақытта қылмыстық істер сотта қаралып жатыр.
Шымкентте қылмыстық топтар 3 млрд теңге шығын келтірген
Фото: Tengrinews.kz
Бөлісу
Бөлісу
Бөлісу

Шымкентте мемлекетке 3 миллиард теңге шығын келтірген екі қылмыстық топтың қызметі тоқтатылды, - деп хабарлайды Tengrinews.kz. 

Қаржылық мониторинг агенттігінің Шымкент қаласы бойынша аумақтық департаменті жалған шот-фактураларды жазып берумен айналысатын екі қылмыстық топқа қатысты сотқа дейінгі тергеп-тексеруді аяқтады.

"8 адамнан тұратын қылмыстық топтардың бірі 2018-2020 жылдар аралығында контрагент кәсіпорындарға материалдық сыйақы үшін жалған бухгалтерлік құжаттар жазып берумен айналысқан.
Қылмыстық схеманың негізгі ұйымдастырушысының үйінде құжаттары мен мөрлері табылған 16 шаруашылық жүргізуші субъектіге осы ҰҚТ-ның қатысы бар екендігі анықталды", - деді Қаржылық мониторинг агенттігінің өкілі.

Екінші қылмыстық топ бір күндік 21 компанияның атынан тауарлар мен қызметтерді жеткізуге ұқсас жалған мәмілелер жасасқан. Бұл ретте, шарттар бойынша жұмыс көлемі іс жүзінде орындалмаған.
"Нәтижесінде, мемлекетке 3,1 млрд теңге сомасына салық төленген жоқ", - деп қосты.

Қазіргі уақытта қылмыстық істер сотта қаралып жатыр.
 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар