Атазаң, Тәңіржомарт, Нұрпатшайым: ерекше есім қойылған тұрғындар белгілі болды

Елімізде Қазақстанды бейнелейтін есімдер бар. Тарихи тұлғалардың есімі берілгендер де аз емес. Бұл туралы  Ұлттық статистика бюросы мәлімдеді, деп хабарлайды ulysmedia.kz.

«Елімізде Қазақстанды бейнелейтін есімдері бар адамдар кездеседі: Қазақстан - 32 адам; Нұрсұлтан - 44 387 адам; Астана - 26 адам; Тәуелсіздік - 1 адам; Елбасы 67 - адам; Атазаң - 1; Теңге - 86 адам атымен.

Сондай-ақ, қазақ қайраткерлерінің есімдері де кездеседі: Ахмет Байтұрсынов - 11; Мағжан Жұмабаев - 105; Сәкен Сейфуллин - 11; Ільяс Жансугиров - 1. Ерекше есімдер: Тәңір-Жомарт - 1 адам; Нұрпатшайым - 1 адам; Ахмет Байтұрсын - 1 адам; Ақ-тілек - 1 адам; Сүйкімді - 1 адам; Таңғажайып - 1 адам; Тәттім - 1 адам; Султан Бейбарыс - 1 адам; Ару-Астана - 1 адам; Сұлубике - 1 адам», - делінген бюро дерегінде.

Сондай-ақ бюро Қазақстанда 2020 жылы ата-аналардың балаларына қойған ең көп есімдерді де ұсынады. Ең көп берілген есімдер мыналар: ұлдарға Алихан - 4661; Айсұлтан -3377; Нұрислам - 2959; Алдияр - 2362; Амир – 2348ал, қыздарға Медина - 5534; Айлин - 4946; Раяна - 4678; Айша - 4619; Асылым – 4443.