Жаңалықтар 30.11.2021 сағат 04:49

«Анасына өлтіргенін айтып, жылаған»: Атырау облысында көп балалы әйелді пышақтап тастаған адам белігілі болды

Ер адам әйелді не үшін өлтіргені белгісіз. Алдын-ала болжам бойынша, екеуінің арасында кикілжің болып, күдікті өз-өзін ұстай алмай қалған.
«Анасына өлтіргенін айтып, жылаған»: Атырау облысында көп балалы әйелді пышақтап тастаған адам белігілі болды
Фото: ашық дереккөз
Бөлісу
Бөлісу
Бөлісу

Атырау облысы Жылыой ауданы Құлсары қаласында жеті баланың анасын 25 жастағы азамат пышақтап тастаған болатын. Мектепте еден жуатын әйел ай сайын 74 мың теңге жәрдемақыға күн көрген, деп хабарлайды Stan.kz ақпарат агенттігі.

35 жастағы әйелдің жеті баласы болған. Ең кішісі - алты жастағы ер бала балабақшаға барса, бес баласы мектепте білім алады. 16 жастағы қызы аудандық колледжде оқиды.

25 жастағы жігіт әйелді әкімдік ғимаратының жанында өлтірген. Екеуі ұзақ сөйлесіп, кейін жігіт әйелді аяусыз пышақтап тастап, үйіне кетіп қалған. Үйіне барғаннан соң анасына барып, әйелді өлтіріп тастағанын айтып, жылаған.

Күдікті - отбасыдағы жалғыз ер бала. Вахталық әдіспен жұмыс істеген. Одан кейін тұрмыс құрған үш әпкесі бар. Қарт анасымен бөлек тұратын жігіт қазір қамауға алынды.

“Отбасы тамыз айына дейін 20 мың теңге атаулы әлеуметтік көмек алды. Сондай-ақ жеті балаға 74 мың теңге ай сайынғы жәрдемақы төленіп отырды. Одан бөлек әкесін де анасын да жұмысқа орналастырдық. Алайда екеуі де бір жұмыста ұзақ жұмыс істемей, шығып кете береді. Қазір ер адам жұмыссыз. Қайырымдылық жасаған кезде осы отбасыны қалдырмаймыз. Азық-түлік, тұрмыстық заттар мен қаржылай көмек көрсетіп тұрдық”, - деді Stan.kz тілшісіне аудандық әкімдіктегілер.

Ер адам әйелді не үшін өлтіргені белгісіз. Алдын-ала болжам бойынша, екеуінің арасында кикілжің болып, күдікті өз-өзін ұстай алмай қалған. 

Қазір жеті бала әкелерінің қасында. Ал қаза тапқан әйелді демалыс күні жер қойнына тапсырды. Оның атында екі несие бар екені белгілі болды.

Күдікті Атырау қаласындағы тергеу изоляторына жеткізілді. Полиция қызметкері оны бір сағаттың ішінде қолға түсірген. Сотқа дейін абақтыда болады. Тергеу амалдары жаласуда. 

Әйелді өлтіретін күні осы ауданда 40 жастағы Тараз тұрғынының өлі денесі табылған болатын. Оны басынан соғып өлтірген.

Еске салсақ, осыған дейін Атырау облысында көпбалалы әйелді аяусыз өлтіріп тастағанын хабарлаған болатынбыз.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар