Жаңалықтар 02.12.2021 сағат 17:40

Батыс Қазақстанда полиция бастығының орынбасары мас күйінде көлік жүргізіп, адам өліміне себепкер болды

Көлік апатынан бір адам көз жұмған.
Батыс Қазақстанда полиция бастығының орынбасары мас күйінде көлік жүргізіп, адам өліміне себепкер болды
Фото: azattyq-ruhy.kz
Бөлісу
Бөлісу
Бөлісу

Қайғылы оқиға туралы Батыс Қазақстан облысының полиция департаменті мәлімдеді. 20 жыл құқық қорғау саласында қызмет еткен полицей ішіп алған күйінде рөлге отырып, қарсы бетке шығып кеткен, деп хабарлайды Azattyq Rýhy.

«Жол апаты 1 желтоқсан күні кешкі сағат 19:00 шамасында Орал-Тасқала тас жолынан 46 шақырым жерде орын алған. Бір-біріне қарама қарсы бағытта келе жатқан қос көлік бетпе-бет соқтығысқан. Үш жолаушының біреуі көз жұмған, екі адамға медициналық көмек көрсетілді. Медициналық сараптама қорытындысы полиция қызметкерінің алкогольді ішімдік ішкенін анықтады», - деп мәлім етті БҚО Полиция департаменті басшысының орынбасары Нұрлан Рамазанов.

Полиция мәліметінше, заң бұзып, кісі өліміне себепші болған қызметкер жұмыстан шығарылады. Қазір аталған факті бойынша қызметтік тергеу тағайындалды. ҚР ҚК 345-бабы (абайсызда адам өліміне әкеп соққан ЖҚЕ бұзу) бойынша қылмыстық іс қозғалды. Іс бақылауға алынды. Тәртіп сақшылары қаза тапқан 51 жастағы әйелдің туыстарына көңіл айтты.
 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар