Жаңалықтар 19.12.2021 сағат 05:01

Жексенбіде ел аумағында жел күшейіп, қатты боран соғады

Еліміздің кей жерлерінде жел күшейіп, тұман, көктайғақ, жаяу бұрқасын соғады.
Жексенбіде ел аумағында жел күшейіп, қатты боран соғады
Фото: ашық дереккөзі
Бөлісу
Бөлісу
Бөлісу

Қазгидромет» мамандары 19 желтоқсан, жексенбіге арналған ауа райы болжамын ұсынды, деп хабарлайды ҚазАқпарат.

Солтүстік-батыс циклонның әсерінен Қазақстанның басым бөлігінде жаңбыр мен қар жауады, елдің оңтүстігінің таулы аудандарында қатты жауын-шашын түседі.

Республиканың тек оңтүстік-шығысы мен шығысы жоғары атмосфералық қысымның әсерінде болады, сондықтан жауын-шашынсыз ауа райы сақталады.

Еліміздің кей жерлерінде жел күшейіп, тұман, көктайғақ, жаяу бұрқасын соғады.

Түнде Түркістан облысының солтүстігінде тұман түседі, таңертең және күндіз оңтүстігінде, батысында, таулы аудандарда желдің күші - 15-20, таулы аудандарда - 23-28, таулы асуларда 30 м/с жетеді.

Жамбыл облысының солтүстігінде, таулы аудандарында тұман түседі, көктайғақ болады. Облыстың оңтүстік-батысында секундына 23-28 метр, кейде 30 м/с және одан да қатты жылдамдықпен жел соғады.

Алматы облысының Алакөл көлдері ауданында жел қарқыны 25 м/с дейін күшейеді.

Ақмола облысының солтүстігінде, шығысында - тұман, көктайғақ, жаяу бұрқасын болады. Күндіз облыстың шығысында жел екпіні - 15-20 м/с.

Солтүстік Қазақстан облысының батысында, шығысында және оңтүстігінде жаяу бұрқасын соғады, тұман, көктайғақ күтіледі. Күндіз облыстың шығысында желдің жылдамдығы 15-20 м/с жетеді.

Түнде Қарағанды облысының батысында, күндіз солтүстігінде, шығысында, орталығында көктайғақ, күндіз шығысында және орталығында желдің күші 15-20 м/с шамасында болады.

Қостанай облысының оңтүстігінде - жаяу бұрқасын, көктайғақ, тұман, жел қарқыны - 15-20 м/с.

Түнде Ақтөбе облысының солтүстігінде көктайғақ болады, күндіз облыстың солтүстігінде жел екпіні 18 м/с дейін күшейеді.

Атырау облысының батысы мен орталығында, Маңғыстау облысының солтүстігінде, солтүстік-батысында тұман түсіп, көктайғақ болады.

Батыс Қазақстан облысының солтүстігінде, солтүстік-шығысында көктайғақ күтіледі.

Павлодар облысының солтүстігінде, батысында, Қызылорда облысының солтүстігінде және орталығында тұман түседі.

Sn.kz порталының басқа да маңызды жаңалықтарын InstagramTelеgramfacebooktwitter және vk секілді әлеуметтік желідегі парақшаларымыздан оқи аласыздар. 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар