Жаңалықтар 22.12.2021 сағат 10:20

Теңіз кенішіндегі мердігер компаниялар 39 мың жұмысшыны қысқартады

«Келешек кеңею» жобасы аяқталысымен, жұмысшылар жаппай қысқартуға ұшырайды.
Теңіз кенішіндегі мердігер компаниялар 39 мың жұмысшыны қысқартады
Фото: ашық дереккөзі
Бөлісу
Бөлісу
Бөлісу

Атырау облысында жұмыссыздардың саны күрт көбеюі мүмкін. Себебі: Теңіз кенішіндегі мердігер компаниялар 39 мың қызметкерді жаппай қысқартпақшы. Ал олардың 50 пайызы –атыраулықтар, деп хабарлайды Azattyq Rýhy агенттігі КТК телеарнасына сілтеме жасап.

«Келешек кеңею» жобасы аяқталысымен, жұмысшылар жаппай қысқартуға ұшырайды. Келер жылдың наурыз айына дейін 8 мың адамды вахталық аймақтан шығару жоспарланған. Оның 2 мыңға жуығы – жергілікті тұрғындар. Ал 2024 жылы жалпы саны 60 мыңнан астам адам босайды. Алайда жұмыспен қамтуды үйлестіру басқармасы: «Ешкім жұмыссыз қалмайды» деп отыр. Өйткені келер жылы мұнай-химия саласында инвесторлық жобалар ашылмақшы екен.   

«Бұл тек қана болжам. Биыл да 15 мың жоспарланған болатын болса, соның тек екі мыңдайы қысқарды. Қысқарған жағдайда мемлекеттік бағдарламалар бар. Сол арқылы 12 мыңға жуық халықты жұмыспен қамтимыз деген жоспар бар. Мұнай химия кешені саласында инвестициялық жобалар бар. Жасалып, енді жасалайын деп жатқан жобалар бар. Соның аймағында құрылыс кезінде 20 мыңға жуық халықты жұмыспен қамтимыз деген жоспар бар», - деді Атырау облысы жұмыспен қамтуды үйлестіру және әлеуметтік бағдарламалар басқармасы басшысының орынбасары Еркебұлан Әбілқасымов.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар