Жаңалықтар 03.01.2022 сағат 19:44

Энергетика министрі Жаңаөзендегі жағдай туралы: Өз жауапкершілігімді түсініп отырмын

Ондай жауапкершілікті сезінбесем, Энергетика министрі ретінде қалай жұмыс істей аламын?
Энергетика министрі Жаңаөзендегі жағдай туралы: Өз жауапкершілігімді түсініп отырмын
Фото: ашық дереккөз
Бөлісу
Бөлісу
Бөлісу

ҚР Энергетика министрі Мағзұм Мырзағалиев сұйытылған мұнай газының нарығын электронды сауда алаңына көшіру бойынша ақпараттық-түсіндіру жұмыстары қажетті деңгейде жүргізілмегенін мойындады, деп хабарлайды ҚазАқпарат тілшісі.

«Бұл жолы мен Жаңаөзенде болған жоқпын. Бірақ бұған дейін Жаңаөзенде бірнеше рет болғанмын. Кеше вице-министр дереу сол жаққа аттанды. Ол сол жерде кездесулер өткізіп, зауыт басшылығымен, желі иелерімен жұмыс істеп жатыр. Мен өз жауапкершілігімді сезінемін. Ондай жауапкершілікті сезінбесем, Энергетика министрі ретінде қалай жұмыс істей аламын? Ақпараттық-түсіндіру жұмыстары қажетті деңгейде жүргізілмеген шығар» - деді министр.

Тағы оқыңыз: Жаңаөзен тұрғындары газ бағасының қымбаттауына байланысты митингке шықты

Сондай-ақ ол сұйытылған газ бағасын элтектронды сауда алаңына шығару реформасы 2018 жылы басталғанын, біртіндеп ырықтандыру үш жыл көлемінде жүргенін атап өтті.

«Мен бұл министрлікті басқарғаныма 3,5 ай болса да, өзімнің жауапкершілігімді толықтай түсініп отырмын», - деді ведомство басшысы.

Бұған дейін министр газ құнын литріне 120-дан 85-90 теңгеге дейін төмендету туралы шешім қабылданғанын айтқан болатын.

Sn.kz порталының басқа да маңызды жаңалықтарын InstagramTelеgramfacebooktwitter және vk секілді әлеуметтік желідегі парақшаларымыздан оқи аласыздар.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар