Жаңалықтар 25.01.2022 сағат 14:40

Ақтөбеде студенттер жатақханасынан өрт шығып, 131 адам эвакуацияланды

Өрттің ауданы – 16 шаршы метр. Қазір оттың қалай тұтанғаны анықталып жатыр.
Ақтөбеде студенттер жатақханасынан өрт шығып, 131 адам эвакуацияланды
Фото: ашық дереккөз
Бөлісу
Бөлісу
Бөлісу

Ақтөбеде Медициналық университет жатақханасынан өрт шықты, деп хабарлайды ҚазАқпарат тілшісі. Оқиға бүгін сағат 8:58-де болды. Облыстық Төтенше жағдайлар департаментінің кезекші-диспетчерлік қызметіне М. Оспанов атындағы Батыс Қазақстан медициналық университетінің студенттер жатақханасында тоңазытқыштың жанып жатқаны туралы хабарлама түсті.

«Өрт Ақтөбе қаласы Пацаев көшесінде орналасқан жатақхананың үшінші қабатында тіркелді. Оқиға орнына өрт сөндіру қызметінің жеке құрамынан 42 адам және 11 техника жіберілді. Өрт сөндірушілер мен құтқарушылар бірден адамдарды шұғыл эвакуациялауға кірісті. Жатақхана терезелерінен қалың түтін шығып жатты. Баспалдақ маршының көмегімен құтқарушылар 39 шетелдік азаматты құтқарды. Барлығы 131 адам эвакуацияланды, оның ішінде 105-і шетелдік азамат. Құтқарылған және эвакуацияланған адамдар жылжымалы жылыту пунктіне орналастырылды», - деп хабарлады облыстық ТЖД баспасөз қызметінен.

Өрттің ауданы – 16 шаршы метр. Қазір оттың қалай тұтанғаны анықталып жатыр.

Sn.kz порталының басқа да маңызды жаңалықтарын InstagramTelеgramfacebooktwitter және vk секілді әлеуметтік желідегі парақшаларымыздан оқи аласыздар.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар