Жаңалықтар 28.01.2022 сағат 11:40

Қазақстанның оңтүстігіндегі блэкаут себебі айтылды

25 қаңтарда Оңтүстік Қазақстанда электр қуатының өшіп қалуының майнингке қатысы жоқ.
Қазақстанның оңтүстігіндегі блэкаут себебі айтылды
Фото: ашық дереккөз
Бөлісу
Бөлісу
Бөлісу

25 қаңтарда Оңтүстік Қазақстанда электр қуатының өшіп қалуының майнингке қатысы жоқ. Бұл туралы электр желілерін басқару жөніндегі қазақстандық компания (KEGOC) хабарлады, - деп хабарлайды Tengrinews.kz тілшісі.

"KEGOC АҚ мәліметінше, тапшылықтың негізгі факторлары - электр станцияларындағы апаттардың жоғары деңгейі және соңғы бір жылда 6 пайыздан асқан электр энергиясын тұтынудың айтарлықтай өсуі. Бұл кейінгі жылдармен салыстырғанда 3 есеге артық. Салыстыру үшін, 2020 жылы электр энергиясын тұтынудың өсімі 2 пайыз, 2019 жылы 1,9 пайыз болған. Электр энергиясының тапшылығы жағдайында халықты және ел экономикасын үздіксіз жарықпен жабдықтау мақсатында KEGOC АҚ электр станциялары және электрмен жабдықтаушы ұйымдармен қолданыстағы нормативтік құқықтық актілер талабына сәйкес Қазақстан майнинг деректер орталықтарына жоспарланған электр қуатын жеткізуді қысқарту шараларын қабылдады", - делінген хабарламада.

Тағы оқыңыз: Алматы мен бірқатар өңірде жарық сөнді

Сондай-ақ, қазақстандық компания еліміздің оңтүстігіндегі электр қуатының жаппай сөніп қалу себебін атады.

"Өзбекстанда 2022 жылдың 25 қаңтарында сағат 11.59-да (Нұр-Сұлтан уақыты бойынша) қысқа тұйықталу салдарынан Сырдария ЖЭО-да 6 энергоблок өшіп қалды, генерацияда 1500 мегаватттан астам энергия жоғалды. Нәтижесінде электр қуатының тапшылығы туындады. Өзбекстанның энергетикалық жүйесінде Өзбекстан және Қырғызстанның энергетикалық жүйелерімен параллель жұмыс істеуге байланысты Қазақстанның энергетикалық жүйесінен рұқсат етілмеген электр қуатын алуға әкелді. Нәтижесінде "Қазақстанның Солтүстік-Шығыс-Оңтүстігі" 500 киловольт транзитіне қуат түсіп, кейін ол қайта жүктелді. Энергетикалық жабдықтардың зақымдануына жол бермеу және автоматтандыру арқыл еліміздің оңтүстік өңірлерін толық электр қуатымен жабдықтау мақсатында Алматы, Жамбыл, Түркістан және Қызылорда облыстарын оқшауланған жұмысқа көшіру арқылы транзит бөлінді", - деді компания өкілдері.

Тағы оқыңыз: «Қазақстанның энергожүйесі қалпына келтірілді» - үкімет

Апаттық автоматтандыру жұмысы рқасында республиканың оңтүстік өңірлеріндегі барлық электр станциясы жұмысын жалғастырып, жалпы қуаты шамамен 1500 мегаватт тұтынушыларды электр және жылумен қамтамасыз етуді жалғастырылғаны хабарланды. Осылайша Қазақстанның оңтүстік аймағындағы тұтынушылардың төлемді толық өтеуіне тосқауыл қойылды. 

Еске салайық, 25 қаңтарда Алматыда және Қазақстанның бірнеше өңірінде жаппай жарық өшті. Бұған дейін Алматы әкімдігі пікір білдірген болатын. Сондай-ақ, БАҚ Өзбекстан мен Қырғызстан қалаларында жарықтың өшірілгені айтылды.

Sn.kz порталының басқа да маңызды жаңалықтарын InstagramTelеgramfacebooktwitter және vk секілді әлеуметтік желідегі парақшаларымыздан оқи аласыздар.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар