$ 443.44 € 480.51 ₽ 4.88
Ақмола облысы Аршалы ауданына қарасты Донецкий ауылында 53 жастағы жергілікті тұрғын үсіктен қайтыс болды деп хабарлайды облыстық ІІД-нің баспасөз қызметі.
Марқұмның денесі өз үйінің алдынан табылған. Тәртіп сақшыларының айтуынша, ол үйіне жете алмаған. Өлімнің нақты қандай жағдайда келгені анықталатын болады.
"Кезекші бөліміне мәйіттің табылғаны туралы хабар 4 қарашада келіп түсті. Қайтыс болған ер азаматтың кім екені анықталды, ол – 1963 жылы туған жергілікті тұрғын. Қазір сот-медициналық сараптама жүргізілуде", - делінген аталған хабарламада.
Айта кетейік, еліміздің солтүстігіне келген аязды ауа-райынан Павлодар облысында 45 жастағы әйел үсіп қайтыс болды. Синоптиктер болса аяз 17 қарашаға дейін жалғасатынын айтып отыр.
