Жаңалықтар 22.03.2022 сағат 12:40

Мемлекеттік хатшы Тоқаевтың «Екінші республика» деген сөзіне түсініктеме берді

Ол «Екінші республика» және «Жаңа Қазақстан» ұғымдарының мағынасы бір екенін атап өтті.
Мемлекеттік хатшы Тоқаевтың «Екінші республика» деген сөзіне түсініктеме берді
Фото: ашық дереккөз
Бөлісу
Бөлісу
Бөлісу

Президент Қасым-Жомарт Тоқаев алдымызда ауқымды реформалар, Жаңа Қазақстанның құрылысы күтіп тұрғанын атап өтті. Алматыда Наурыз мерекесіне орай құттықтау сөзінде Мемлекет басшы жаңа Қазақстанды, екінші республиканы салу туралы айтты, деп хабарлайды Zakon.kz.

Мемлекеттік хатшы Ерлан Қарин Тоқаевтың осы құттықтау сөзіндегі «Екінші республика» деген жеріне түсінік берді.

Ол «Екінші республика» және «Жаңа Қазақстан» ұғымдарының мағынасы бір екенін атап өтті. Жаңа Қазақстан - ел болашағының бейнесі. Бұл арада қоғамдық құндылықтарды жаңарту және Ұлттың жаңа сапасын қалыптастыру қажеттігі туралы сөз болып отыр.

Дегенмен, бұл қаңтардағы оқиғалардан немесе Жолдаудан кейін біз автоматты түрде жаңа Қазақстанда өмір сүре бастадық дегенді білдірмейді. "Жаңа Қазақстан" тұжырымдамасын таныстыра отырып, президент ұлттық құрылыстың таяу келешекке арналған жаңа мақсатын белгіледі. Бір сәтте, бір түнде Жаңа Қазақстанды құру мүмкін емес. Бұл - қоғамдық қайта құрудың терең әрі ұзақ процесі, деді Ерлан Қарин.

Карин Тоқаевтың суперпрезиденттік басқару формасынан күшті парламентке сүйенетін президенттік республикаға түпкілікті көшу туралы бастамаларын еске салды. Осыған байланысты Конституцияның 30-дан астам бабы мен 20 заңда өзгеріс енгізу көзделген.

Сондықтан, тұтастай алғанда, мемлекеттік басқару моделінің өзгерісі ғана емес, сонымен бірге мемлекеттік және әлеуметтік даму парадигмасының өзгерісі басталды деп айтуға болады. Бүгін президент бұл процесті нақты айқындау үшін "Екінші республика" анықтамасын қолданды. Сонымен қатар, Екінші республика – бұл өте жақын және нақты мақсат, өйткені Мемлекет басшысы ұсынған саяси реформаларды жүзеге асыру осы жылдың ішіне жоспарланып отыр, деді Ерлан Қарин.

Қорыта келгенде, Мемлекеттік хатшы Жаңа Қазақстан – қоғам мен ұлттың жаңаруы, ал Екінші республика – мемлекеттік модельдің жаңаруы деп сөзін нақтылады.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар