Жаңалықтар 10.04.2022 сағат 12:39

Түркістан облысында Ресейден тұрмыстық техника әкеле жатқан жүк көлігі өртенді

Материалдық залал келгенімен, адам шығыны жоқ. Жүргізуші өзімен бірге көліктің құжаттарын алып үлгерген.
Түркістан облысында Ресейден тұрмыстық техника әкеле жатқан жүк көлігі өртенді
Бөлісу
Бөлісу
Бөлісу

Түркістан облысындағы тас жолда Ресейден Тәжікстанға бет алған ауыр жүк көлігі өртеніп кетті. Түркістан облысы әкімдігінің баспасөз қызметі мәліметінше, оқиға түнгі сағат 21:00 шамасында болған.

Бәйдібек аудандық полиция бөліміне Самара-Шымкент тасжолының 73-шақырымында, яғни Жиенқұм ауылының маңында жүк көлігінің жанып жатқаны туралы хабарлама түскен.

Оқиға орнына барған тергеу тобы алғашқы көмек көрсетіп, мән-жайды анықтапты. "Аталған жайт Бәйдібек аудандық полиция бөлімінде тіркелді.

Қазіргі таңда полицейлер оқиғаның толық мән-жайын анықтау үстінде. Әзірге, тәжікстандық азаматтың басқаруындағы "Вольво" маркалы ауыр жүк көлігінің тіркеме баллоны тұтанғаны белгілі болды. Өрт дер кезінде өшірілмегендіктен тұрмыстық техникасымен бірге толықтай жанып кеткен", – делінген Түркістан облысы полиция департаментінің баспасөз қызметі таратқан хабарламада.

Материалдық залал келгенімен, адам шығыны жоқ. Жүргізуші өзімен бірге көліктің құжаттарын алып үлгерген.

Stan.kz

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар