Жаңалықтар 14.04.2022 сағат 16:40

Есік қаласында төрт жасар қыз зорланды

Балаға шұғыл түрде ота жасалды, тергеу амалдары жүргізіліп жатыр.
Есік қаласында төрт жасар қыз зорланды
Фото: ашық дерекөз
Бөлісу
Бөлісу
Бөлісу

Алматы облысы Есік қаласында 4 жасар қыз зорланды. Қайғылы оқиға туралы құқық қорғаушы Дина Таңсәрі мәлім етті, - деп хабарлайды Tengrinews.kz.

"Анасының туысы болса керек. Ол дүкенге шығып кеткен. Балаға шұғыл түрде ота жасалды, тергеу амалдары жүргізіліп жатыр. Отбасындағы зорлық-зомбылыққа тыйым салу бойынша заңдардың болмауы қоғамның деградациясына және азғындыққа әкеледі", - деді Таңсәрі.

Бұл ретте Алматы облысының Полиция департаменті оқиғаға қатысты пікір білдіріп, зорлау дерегін растады. Ол 13 сәуірде Еңбекшіқазақ ауданында тіркелген.

"Аса ауыр қылмыс жасады деген күдікпен Қызылорда облысының 43 жастағы тумасы ұсталып, қазір қамауда отыр. Болжам бойынша, күдікті ер адам соңғы бірнеше күн бойы жәбірленушінің отбасында қонып, мас күйде болған", - деді полицияның баспасөз қызметі өкілері.

Дерекке қатысты Қазақстан Республикасы Қылмыстық кодексінің 120-бабы 4-бөлігі ("Зорлау") бойынша қылмыстық іс қозғалып, тергеу амалдары жүргізіліп жатыр. Тергеу барысы облыстық полиция басшылығының ерекше бақылауына алынған. Бала қазір дәрігерлер бақылауында.

Полицейлер мәліметінше, жыл басынан бері облыста кәмелетке толмағандарды зорлаудың 10 дерегі тіркелген. Күдіктілердің көпшілігі - таныстар ортасынан. Зардап шеккендердің жасы 3 пен 17 жас аралығында.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар