$ 446.49  475.38  4.79

Қарағандыда науқас дәрігерге қол көтерді

Оқиға Қарағанды ​​қаласындағы Х.Ж.Мақажанов атындағы облыстық травматология және ортопедия орталығында болған.
Фото: ашық дереккөз
Фото: ашық дереккөз

Әлеуметтік желіде науқастың медицина қызметкеріне соққы жасаған видеосы тарады. Дәрігерге шабуыл жасау дерегі полицияда тіркелген, - деп хабарлайды Tengrinews.kz тілшісі.

Оқиға Қарағанды ​​қаласындағы Х.Ж.Мақажанов атындағы облыстық травматология және ортопедия орталығында болған. Видеоға науқастың дәрігерді жұдырықпен ұрған сәті түсіп қалған. 

Бұл оқиғаға қатысты Қарағанды ​​облысы Денсаулық сақтау басқармасының баспасөз қызметі пікір білдірді.

"16 сәуірде профессор Х.Ж.Мақажанов атындағы аурухананың қабылдау бөліміне 1986 жылы туған ер адам жүгінген. Ол оң қолы ауырып, ісіп тұрғанына шағымданған. Науқастың айтуынша, ол құлаған кезде оң қолын жарақаттап алған. Тексеру нәтижесінде "оң қолдың жабық ұсақталған сынығы" диагнозы қойылып, бекіту таңғышы салынды. Осыдан кейін сүйектің қайта ығысуын болдырмау мақсатында науқас хирургиялық емдеуге жіберілді. Алайда ол гипс қолданудан үзілді-кесілді бас тартты. Ол өзін дөрекі ұстап, кезекші травматологқа қол көтерді", - деді ведомство өкілдері.

Сондай-ақ, баспасөз қызметі аурухана әкімшілігі полиция шақырғанын айтты. Дәрігерге жасалған шабуылдың видеосы тәртіп сақшыларына тапсырылған.

Оқиғаға Қарағанды ​​облысы Полиция департаментінің баспасөз қызметі де пікір білдірді.

"Факт тіркелді. Бүгінде тиісті сараптамалар тағайындалды, оның қорытындысы бойынша процессуалдық шешім қабылданады", - деді баспасөз қызметі өкілдері.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары