$ 449.58  486.94  4.86

Рудныйда көршісі үстіне керосин құйып өртеп жіберген бала ауруханадан шықты

Жантүршігерлік оқиға 16 наурыз күні болған.

Қостанай облысында көршісі керосин шашып өртеген бала ауруханадан шықты, деп хабарлады sputnik.kz порталы.

Травмотолог-ортопед Мирас Елжасовтың айтуынша, баланың денесінің 50 проценттен астамын күйік шалған. Балалар көп жағдайда ондай жарақатты көтере алмайды. Бірақ дәрігерлер барын салып, кішкентай Степаны өлімнен арашалап қалды.

"Үш күн бойы баланың жағдайы өте ауыр болды. Артынан ол күйіктен кейінгі шоктан аман-есен шықты, жағдай түзеле бастады. Одан кейін тағы бір қиын кезең болды. Тері пластикасы жасалды. 10-нан астам операция өткіздік", - дейді Елжасов.

Дәрігерлердің бәрі оны "Степашка" деп еркелетті. Баланың өзі адамды тез түсінеді, ешкімді жатырқамайды.

"Бәріміз оны жақсы көріп кеттік. Қазір жағдайы тұрақты. Мен емдеп жүрген дәрігер ретінде үнемі анасымен байланыста боламын. Балаға ерекше жағдай жасау керек. Қатты күйіп қалғаны былай тұрсын, ауыр психикалық жарақат алды. Қалпына келу үшін жарты жылдан астам уақыт қажет болады", - деп атап өтті Мирас Елжасов.

Үш жасар бала жансақтау бөлімінде 20 күн жатты. Одан кейін 36 күн бойы ауруханада емделді.

Жантүршігерлік оқиға 16 наурыз күні Рудный қаласында болған. 44 жастағы ер адам көршісінің пәтеріне барып, 32 жастағы әйел мен баласының үстіне керосин құйып, өртеп жіберген. Кішкентай бала қатты зардап шекті.

Күдікті ұсталып, қамауға алынды. Оған қатысты адам өміріне қастандық жасау фактісі бойынша сотқа дейінгі тергеу басталды. Баланың анасы оқиғаның мән-жайын айтып берген болатын.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары

Тегтер:

#өрт #Рудный