$ 449.3  489.69  4.89

Павлодар облысында жантүршігерлік жол апаты болды

Барлық көлік арнайы айып тұрағына қойылды.

Павлодар облысында болған жол апатынан бір адам көз жұмды. Зардап шеккендер бар, деп хабарлайды Skifnews.kz ақпарат порталы облыстық полиция департаментіне сілтеме жасап.


20 мамыр күні сағат 03:00-де Қызылорда-Павлодар тас жолының Шідерті ауылының маңындағы жанар-жағармай құю бекетіне қарама-қарсы тұста 34 жастағы Toyota Camry жүргізушісі жол жиегінде тұрған Mazda көлігін соққан. Салдарынан Mazda қозғалып барып алдындағы Hyundai Accent көлігіне соқтығысқан.

- Жол апаты салдарынан Mazda көлігінің 27 жастағы жолаушысы алған жарақаттарынан оқиға орнында көз жұмды. Hyundai және Mazda көліктерінің жүргізушілері түрлі дене жарақаттарымен ауруханаға жеткізілді, - деді облыстық полиция департаментінің баспасөз қызметі.

Барлық көлік арнайы айып тұрағына қойылды.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары