Жаңалықтар 22.05.2022 сағат 15:14

«Біз үлкенге қол көтермейміз»: Әлімханұлы Головкинге қатысты сұраққа жауап берді (ВИДЕО)

«Қазақ дәстүріне жат қылық», дейді Әлімханұлы.
«Біз үлкенге қол көтермейміз»: Әлімханұлы Головкинге қатысты сұраққа жауап берді (ВИДЕО)
Фото: ашық дереккөз
Бөлісу
Бөлісу
Бөлісу

Лас-Вегаста 12 раундқа есептелген жекпе-жекте Қазақстандық боксшы Жәнібек Әлімханұлы Дэнни Дигнумға бірден қысым жасап, оны бірінші раундта нокдаунға түсірді. Ал екіншісінде ұлыбританиялық күшті соққыны жіберіп алып, терең нокаутқа түсті. Осылайша, орта салмақта Бүкіләлемдік бокс қауымдастығының (WBO) тұжырымы бойынша «уақытша» әлем чемпионы атанды, деп жазады Халық үні.

Жәнібек Әлімханұлы осымен 12-жеңісіне жетіп отыр. Оның 8-ін мерзімінен бұрын аяқтаған. Ал Дигнум карьерасында алғаш рет жеңілді.

Тағы оқыңыз: Жәнібек Әлімханұлы екінші раундта қарсыласын нокаутқа түсірді (ВИДЕО)

Қазір орта салмақта WBO әлем чемпионы титулы америкалық Деметриус Андрадеде (31-0, 19 КО). Оны ұйым Жәнібек Әлімханұлымен жұдырықтасуға міндеттеген. Егер америкалық жекпе-жектен бас тартса, Әлімханұлы титулды жекпе-жексіз жеңіп ала алады. Осы орайда Жәнібек Әлімханұлына WBA Super, IBF және IBO титулдарының иесі, қазақстандық Геннадий Головкинмен де жекпе-жек өткізу туралы сұрақ қойылды.

Бұл – қазақ дәстүріне жат қылық. Біз үлкенге қол көтермейміз. Головкин жоғары дивизионға көтеріледі деп үміттенемін. Өйткені мен орта салмақтағы барлық белбеуді жинағым келеді, - деді Жәнібек Әлімханұлы.

Төменде Жәнібек Әлімханұлы (11-0, 7 КО) мен ұлыбританиялық Дэнни Дигнум (14-0-1, 8 KO) арасындағы титулдық жекпе-жектің толық видеосы жарияланып отыр.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар