Жаңалықтар 25.05.2022 сағат 15:40

Елімізде 29 млн гектар жер деградацияға ұшыраған

Болашақта жеріне дұрыс қарамаған, тоздырып жіберген адамдарға, әкімдіктерге шара қабылдау қарастырылып жатыр.
Елімізде 29 млн гектар жер деградацияға ұшыраған
Фото: ашық дереккөз
Бөлісу
Бөлісу
Бөлісу

Елімізде 29 млн гектар жер деградацияға ұшыраған. Бұл туралы Орталық коммуникациялар қызметіндегі баспасөз мәслихатында Ауыл шаруашылығы вице-министрі Әбілхайыр Тамабек айтты, деп хабарлайды ҚазАқпарат.

«Қазіргі таңда елімізде 29 млн гектар жер деградацияға ұшыраған. Бізде гидрогеологиялық мелиоративтік экспедиция бар. Бұрын олар еліміздің 4 өңірінде ғана болған еді. Биылдан бастап экспедицияның ауқымын кеңейтіп жатырмыз, барлық өңірлерде жұмыс жүреді. Олар су құрамын, жер асты суларының көтерілу деңгейін, топырақтың сортаңдануын, тұздануын анықтап, мониторинг жасайды, бағасын береді. Содан кейін уәкілетті органдарға іс-шара қабылдау үшін жібереді», - деді Тамабек.

Оның атап өтуінше, аталған экспедициялардың мониторинг және бағалау жұмыстарының нәтижесі мемлекеттік жер кадастрының бірыңғай платформасына салынады.

«Болашақта жеріне дұрыс қарамаған, тоздырып жіберген адамдарға, әкімдіктерге шара қабылдауды қарастырып отырмыз», - деді вице-министр.
 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар