$ 449.58  486.94  4.86

«Ішін жармай әкеп беріңдер». Мерт болған сарбаздың анасы талап етті

2 күн емес қазір денесін кеспей әкеп берсін. Екінші рет балаларыңды әскерге жібермеңдер! Ресейден бе, басқа жақтан шақыртсын.
Фото: ашық дереккөз
Фото: ашық дереккөз

Маңғыстау облысының Бейнеу ауданындағы шекара қызметінде жүрген жерінен белдігіне асылып өлген сарбаздың анасы шындықтың ашылуын қалап, үндеу жолдады. Ол баласы өз-өзіне қол салды дегенге сенбейді. Оның айтуынша, ұлын өлімге бәзбіреулер итермелеген, деп хабарлайды Alash.news.

19 жастағы Еділ Тешебаевтың өлімі қазір қоғамда үлкен шу туғызып тұр. Оның әскерге сау кетіп, өз-өзіне қол салғаны жақындарын да әбден қажытып жіберген. Марқұмның анасы үндеуін Facebook әлеуметтік желісі арқылы жолдады. Ол Президент Қасым-Жомарт Тоқаевтан өзін қабылдауын сұрап отыр және істің жан-жақты тексерілуін талап етті. 

Тағы оқыңыз: «Бейнеуге ауысқалы ақша сұрауды бастады»: Қайтыс болған сарбаздың ағасы өзіне офицерлер тарапынан қысым жасалып жатқанын мәлімдеді

«Әскерге дені сау болып кеткен бала неге өліп келеді? 2 күн емес қазір денесін кеспей әкеп берсін. Екінші рет балаларыңды әскерге жібермеңдер! Ресейден бе, басқа жақтан шақыртсын.

Қазақстанды қырып бітетін болды. Ақшадан қиналдым, ақша үшін өлдім депті. Міне, хаттары тұр жіберілген. Әскерде қандай ақша ол?! Қамтамасыз ете алмасаңдар неге әкетесіңдер?! Өзінің ауруы бар екен дейді. Ауру болса, неге аласыңдар?! Жауапсыз қалдырмаймын!

Президент мырза, балам өлді деген хабар алып тұрмыз. Ақшадан қиналып өлдім деп жазыпты. Президенттің қабылдауын сұраймын», — деді марқұмның анасы.

Тағы оқыңыз: Шекара қызметі Маңғыстау облысында көз жұмған сарбаздың өліміне қатысты мәлімдеме жасады

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары