Ресейлік журналист Нобель медалін 103,5 млн долларға сатты

2021 жылы Бейбітшілік сыйлығын алған «Новая газетаның» бас редакторы Дмитрий Мұратовтың Нобель медалі 103,5 млн долларға сатылды, деп жазады inbusiness.kz.

Аукционды америкалық Heritage Auctions аукцион үйі 20 маусым күні кешке Нью-Йоркте өткізді. Сатып алушының аты-жөні жарияланған жоқ.

Медальді сатудан түскен барлық қаражат ЮНИСЕФ-тің украиндық босқын балалар мен олардың отбасыларына көмектесу жөніндегі гуманитарлық миссиясын қолдауға жұмсалады.

Мұратов медальді 22 наурызда аукционға қою туралы шешім қабылдағанын хабарлады.

«Біз бұл туралы «Новая газета» редакциясында ұзақ ойланып, бізден әлдеқайда нашар адамдар бар екенін түсіндік. Бұл босқындар. Науқас украин балалары. Олар бізден әлдеқайда нашар» деді ол Нобель медалін сату туралы шешімді «қызметкерлердің 100% қолдағанын» баса айтты.