Жаңалықтар 23.06.2022 сағат 18:20

Ақтауда ереуілдеткен жұмысшылардың қатарына жөргектегі балалары қосылды

Зауыттың құрылтайшысы бір ай ішінде жұмысшылардың талабын тыңдамады, мәселені шешуге де асықпайды дейді олар.
Ақтауда ереуілдеткен жұмысшылардың қатарына жөргектегі балалары қосылды
Бөлісу
Бөлісу
Бөлісу

Ақтауда шыны талшықты құбыр зауытының жұмысшылары ереуілде тұрғанына тура бір ай. Наразылықта тұрған азаматтарға енді әйелдері мен балалары қосылды, деп хабарлайды Ulysmedia.kz.

Бір айдан бері зауыт алдында түнеп, наразылық білдіріп тұрған жұмысшылардың ереуіліне жөргектегі баласын ұстаған әйелдері қосылды. Зауыттың құрылтайшысы бір ай ішінде жұмысшылардың талабын тыңдамады, мәселені шешуге де асықпайды дейді олар.

Жұмысшылар аптап ыстық болса да талаптары орындалмай, тарқамауға бекінген. Ал зауыттың бас инженері компаниядағы барлық мәселе тек құрылтайшының келісімімен реттелетінін айтады.

"Зауыт тұрып қалды. Берілген мөлшерді істей алмай тұрмыз. Қазір жаңа нысандар беріліп жатыр. Енді осы балалардың мәселесін шешу керек. Оған біздің құрылтайшылар келді. Мына жерде келіссөз болды. Сөйлесіп, бір елісімге келген секілді еді. Бірақ оны жылдамырақ шешу керек", – деді зауыттың бас инженері Есей Мұқашұлы.

Оның айтуынша, жұмысшылардың ереуілде тұрғаны зауыттың өндірісіне кесірін тигізіп жатыр. Бір ай ішінде компания 44 шақырым құбыр жасау жұмыс көлемінен айырылып, 40 миллион теңгедей шығынға ұшыраған. Сондықтан құрылтайшы жұмысшылардың талабын орындамаса, негізгі тапсырыс беруші «МаңғыстауМұнайГаз» компаниясының жұмыс көлемінен айырылып қаламыз деп отыр.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар