Жаңалықтар 26.06.2022 сағат 22:41

Қапшағайда бір-бірін құтқарам деп жүріп 4 адам суға кетті

Барлығы да туыс адамдар
Қапшағайда бір-бірін құтқарам деп жүріп 4 адам суға кетті
Бөлісу
Бөлісу
Бөлісу

Қонаев қаласындағы Қапшағай су қоймасына шомылуға барған төрт адам көлге батып кетті.
Алматы облысы ТЖД баспасөз қызметінің мәліметінше, оқыс оқиға бүгін болған.

2022 жылғы 26 маусым күні Қонаев қаласындағы, Қапшағай су қоймасында, "Голубой залив" ауданында, шомылуға арналмаған жерде төрт адам суға батып кетті (1990 ж.т. әйел, 1992 ж.т. ер адам және 2007, 2010 ж.т. екі бала.), 1954 ж.т. тағы бір әйел адам құтқарылды, барлығы туыс адамдар,-делінген хабарламада.

Су қоймасында шомылу барысында толқын көтеріліп, екі ағайынды бала бата бастаған. Оларды ағасы, тәтесі және апасы құтқаруға ұмтылған. Бірақ өкінішке қарай, тек апасы ғана аман қалды. ТЖД құтқарушылары екі бала мен ер адамның денесін судан алып шықты.

Алматы облысы әкімінің қаулысына сәйкес, Қонаев қаласында құтқарушылар кезекшілігі ұйымдастырылған 7 қалалық жағажай бар, сондай-ақ олар құтқару мұнараларымен және шомылу кезінде адамдардың қауіпсіздігін қамтамасыз ету үшін басқа да қажетті құралдармен жабдықталған. Алматы облысының Төтенше жағдайлар департаменті азаматтардан арнайы жабдықталған орындарда ғана суға шомылуды, жүзе алмасаңыз суға белден жоғары түспеуді, балаларды су жанында қараусыз қалдырмауды, су жанында демалу кезінде спирттік ішімдіктерді ішпеуді және толқындар мен дауылды ауа райында суға шомылмауды сұрайды.

Естеріңізге сала кетейік, Конаев қаласында 7 қалалық жағажай бар, олар құтқару мұнараларымен жабдықталған, құтқарушылардың кезекшілігі және шомылу кезінде адамдардың қауіпсіздігін қамтамасыз ету үшін басқа да қажетті құралдармен қамтамасыз етілген, сонымен қатар қалада 140-қа жуық жеке демалыс орындары бар.

бақ.кз

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар