Жаңалықтар 28.06.2022 сағат 22:15

«Алдап үйіне кіргізген»: Түркістанда бес жасар баланы зорлаған адам сотталды

Сотталушының өзінің үш баласы бары анықталды.
«Алдап үйіне кіргізген»: Түркістанда бес жасар баланы зорлаған адам сотталды
Бөлісу
Бөлісу
Бөлісу

Түркістан облысында ер адам көшеде ойнап жүрген баланы алдап үйіне кіргізіп, зорлаған, деп хабарлайды Stan.kz ақпарат агенттігі.       

Оқиға Түркістан облысы Шұбарсу ауылында болған. Көшеде ойнап жүрген бес жастағы баланы ер адам "Үйге жүр, балаларыммен ойнайсың" деп үйіне кіргізіп алған. Бұдан соң бүлдіршінді етпетімен жерге жатқызып, екі қолымен жылыту құбырын ұстатқызып зорлайды. 

Азаматтың өзінің үш баласы бары анықталды. 

Кейін оны полиция қызметкерлері қамауға алып, ҚК 121-бабының 4-бөлімімен (Сексуалдық сипаттағы зорлық-зомбылық әрекеттері) істі сотқа жеткізген. Оған қатысты сот үкімі шықты. 

Оның қылмысы сот сараптамасының қорытындысы, жәбірленуші мен куәлардың жауаптары арқылы дәлелденді. Сот үкім шығарарда оның бұрын сотталмағанын, қылмысына шын өкінгенін ескерді. 

Түркістан облыстық қылмыстық істер жөніндегі мамандандырылған ауданаралық сотының үкімімен азамат 20 жылға бас бостандығынан айырылды. Ол жазасын қауіпсіздігі жоғары, яғни қатаң режимдегі түрмеде өтейді. Сот үкімі күшіне енді.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар