$ 449.58  486.94  4.86

«ҚазТрансГаз Аймақ» филиалдарының біріне ірі көлемде айыппұл салынды

Аталған әкімшілік істерді Шымкент қаласының Әкімшілік құқық бұзушылықтар жөніндегі мамандандырылған ауданаралық соты қарап, шешім шығарған.
Фото: ашық дереккөзден
Фото: ашық дереккөзден

«ҚазТрансГаз Аймақ» АҚ-ның Шымкент өндірістік филиалына қатысты тексеру қорытындысы бойынша ҚР "Әкімшілік құқық бұзушылық туралы" Кодексінің 164-бабының 4-бөлігі бойынша 4 әкімшілік хаттама толтырылды, деп хабарлайды ҰЭМ Табиғи монополияларды реттеу комитетінің баспасөз қызметі.

«Хаттамалар табиғи монополиялар туралы заңнамасында белгіленген міндеттерді орындамағаны үшін толтырылды, онда «ҚазТрансГаз Аймақ» АҚ-ның Шымкент өндірісітік филиалы берілген техникалық шарттарға сәйкес құрылыс-монтаждау жұмыстарының аяқталғаны туралы ақпарат алып, заңнамада белгіленген мерзімдерде реттеліп көрсетілетін қызметке қосуды жүзеге асырмады, бұл өз кезегінде «Табиғи монополиялар туралы» Заңының 24 және 26-баптарын өрескел бұзу болып табылады», – деп жазылған хабарламада.

Аталған әкімшілік істерді Шымкент қаласының Әкімшілік құқық бұзушылықтар жөніндегі мамандандырылған ауданаралық соты қарап, шешім шығарған.

«Сот шешімімен «ҚазТрансГаз Аймақ» АҚ-ның Шымкент өндірісітік филиалы жалпы сомасы 18 378 000 теңгеге әкімшілік айыппұл салынуымен әкімшілік жауапкершілікке тартылды», – дейді ҰЭМ Табиғи монополияларды реттеу комитеті.

 

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары