Еліміздің бірнеше облысында дауылды ескерту жарияланды

Қазақстанның төрт облысында дауылды ескерту жарияланды, деп хабарлайды «Қазгидромет» РМК баспасөз қызметі.

«13 шілдеде күндіз Түркістан облысының тауларында найзағай, бұршақ күтіледі. Облыстың солтүстігінде шаңды дауыл күтіледі. Солтүстік-шығыстан жел соғады, облыстың солтүстігінде, таулы аудандарында күші 15-20 м/с. Облыстың басым бөлігінде төтенше өрт қауіпі сақталады», - делінген сейсенбіде таратылған хабарламада.

13 шілдеде күндіз Қызылорда облысының орталығында шаңды дауыл күтіледі. Жел солтүстік-шығыстан соғады, облыстың орталығында күші 15-20 м/с күтіледі. Облыстың басым бөлігінде төтенше өрт қаупі сақталады. Қызылорда қаласында 13 шілдеде төтенше өрт қаупі сақталады.

«Күндіз 13 шілдеде Атырау облысының басым бөлігінде 35-39 градус қатты ыстық, облыстың оңтүстігінде 42 градус өте қатты ыстық сақталады. Облыстың басым бөлігінде төтенше өрт қаупі күтіледі. Атырау қаласында күндіз 13 шілдеде 37-39 градус қатты ыстық сақталады», - деп ескертті синоптиктер.

Күндіз 13 шілдеде Батыс Қазақстан облысының батысында найзағай, бұршақ күтіледі. Жел оңтүстік-шығыстан солтүстік-батысқа ауысып соғады, найзағай кезінде екпіні 15-20 м/с. Облыстың басым бөлігінде 35-39 градус қатты ыстық, оңтүстігінде 42 градус өте қатты ыстық болады. Облыстың оңтүстігінде төтенше өрт қауіпі күтіледі. Орал қаласында13 шілдеде 38 градус қатты ыстық.