Жаңалықтар 14.07.2022 сағат 09:20

«Елімізге білім алу үшін келетін ресейліктер саны күрт артуы мүмкін» – Саясат Нұрбек

Ресейде оқып жүрген азаматтарымыз да қайтып келуі мүмкін
«Елімізге білім алу үшін келетін ресейліктер саны күрт артуы мүмкін» – Саясат Нұрбек
Фото: ашық дереккөзден
Бөлісу
Бөлісу
Бөлісу

ҚР Ғылым және жоғары білім министрі Саясат Нұрбек өзі басқаратын ведомствоның Ресейден Қазақстанға оқуға келетін азаматтардың үлкен ағынын күтіп отырғанын мәлім етті, деп хабарлайды ҚазАқпарат.

«Біз ол жақтан оқуын жалғастыруға келетін өз отандастарымыздың да үлкен ағынын күтіп отырмыз. Осында келіп, білім алу мүмкіндіктерін іздестіретін Қазақстан азаматтары да, өзге елдердің азаматтары да көп болады. Бірінші кезекте бұл Ресейдің 11 сәуірден бастап Болон процесі ұйымына мүшелігін тоқтатуымен байланысты. Ал біздің ел 1 сәуірде ғана осы ұйымның тең төрағалығын қабылдаған болатын. 5-6 қазанда Нұр-Сұлтанда үлкен конференция болады. Министр ретінде мен Болон процесі ұйымының тең төрағасы болып есептелемін. Сондықтан да осындай болжамымыз бар. Бірақ әзірге үлкен ағын көріп отырған жоқпыз. Тыныш қана дайындала береміз», - деді министр.

Сондай-ақ, ол дәл қазір Ресей Федерациясынан неше талапкер Қазақстанда жоғары білім алуға өтініш білдіргені туралы мәліметі жоқ екенін айтты.

«Ондай дерек әзірге жоқ. Ақырындап ондай жағдайға дайындалып жатырмыз. Ресейде оқып жүрген азаматтарымыз да қайтып келуі мүмкін», - деді Саясат Нұрбек.

Л.Гумелев атындағы Еуразия ұлттық университетіндегі жоғары оқу орындарына құжат қабылдау науқанының барысымен танысқан министр биыл мемлекеттік және ұлттық универсиеттерде оқу ақысы былтырғы оқу жылының деңгейінде қалатынын айтты.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар