Жаңалықтар 15.07.2022 сағат 01:09

Елордада әуежайға апаратын түнгі автобустар қатынайтын болды

Жолаушылар №10 бағдардағы автобустармен жүреді.
Елордада әуежайға апаратын түнгі автобустар қатынайтын болды
Фото: ашық дереккөз
Бөлісу
Бөлісу
Бөлісу

Нұр-Сұлтан қаласында бір айға жуық уақыт түнгі автобустар жүреді. Қоғамдық көлік әуежайға дейін қатынайды.
"15 шілдеден 8 тамызға дейін Нұр-Сұлтан қаласында қоғамдық көліктің түнгі рейстері әуежайға дейін қатынайды. Мұндай шешім елордалық әуе айлағының түнгі жұмыс режиміне уақытша көшуіне байланысты қабылданды", - деп хабарлады City Transportation Systems.

Жолаушылар №10 бағдардағы автобустармен жүреді.

Әуежайдан №10 бағдарының түнгі рейстерінің шығу уақыты:
23:18,
00:29,
01:59,
02:59.
Бағдардың күндізгі қозғалыс кестесі өзгеріссіз қалады.

Еске салсақ, 15 шілде мен 8 тамыз аралығында елордалық әуежайда жөндеу жұмыстары жүргізіледі. Күндізгі 11.00-ден кешкі 18.00-ге дейін әуежайдың ұшу-қону жолағы жөнделеді. Оған 280 млн теңге жұмсалады.
Нұр-Сұлтаннан ұшып шығатын және елордаға келетін 75 рейстің 20-сы өз кестесін ауыстырады. Қазақстандық әуе компанияларынан бөлек өз кестесін "Өзбек әуе желілері" компаниясы да өзгертеді. Ағымдағы жөндеу жұмыстары кезінде әуе билетін қайтарған жолаушыларға айыппұл салынбайды.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар