Жаңалықтар 18.07.2022 сағат 14:20

Ақтауда Хабиб Нурмагомедов қатысқан турнирді ұйымдастырушы қамауға алынды

16 шілдеде Ақтауда халықаралық турнир өтіп, оған UFC-дің бұрынғы чемпионы Хабиб Нурмагомедов қонақ ретінде қатысты.
Бөлісу
Бөлісу
Бөлісу

Ақтауда Хабиб Нурмагомедов қатысқан турнирде полицейді итеріп жіберген ұйымдастырушы 10 тәулікке қамауға алынды. Бұл туралы Маңғыстау облысының Полиция департаменті мәлімдеме жасады, - деп хабарлайды Skifnews.kz ақпарат порталы.

16 шілдеде Ақтауда халықаралық турнир өтіп, оған UFC-дің бұрынғы чемпионы Хабиб Нурмагомедов қонақ ретінде қатысты.

"Келесі күні әлеуметтік желілерде ұйымдастырушылардың бірі полиция қызметкерін итеріп жіберген видео тарады. Видеодағы адамның жеке басы анықталып, ол Ақтау қалалық полиция басқармасына жеткізілді. Оған қатысты ҚР ӘҚБтК-нің 434-бабы 1-бөлігі ("Ұсақ бұзақылық") бойынша әкімшілік хаттама толтырылды. Материал әкімшілік сотқа жіберілді", - деді полициядағылар.

Әкімшілік сот шешімі бойынша, Ақтау қаласының арнайы қабылдау орнында 10 тәулікке қамауға алу туралы үкім шыққан.

Еске салайық, MMA бойынша Naiza 41 x Eagle 48 халықаралық турнирі аяқталғаннан кейін жанкүйерлер Ақтау жағалауында UFC-дің экс-чемпионы Хабиб Нурмагомедовті қоршауға алған болатын. Оқиғаның видеосы әлеуметік желілерде тарап кетті.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар