Жаңалықтар 18.07.2022 сағат 22:00

«77 жылжымайтын мүлік»: Forbes Қазақстан тізіміне енген бизнесменнің мүлкі тәркіленеді

Шығыс Қазақстан облысында Анатолий Балушкинге қатысты іс бойынша сотқа 77 жылжымайтын мүлік («Рахман қайнары», «Нұртау» және «Порт Фортуна» демалыс базалары) пен 1 мың жылжымалы мүлікті сотқа дейін тәркілеу туралы қолдаухат жолданған.
«77 жылжымайтын мүлік»: Forbes Қазақстан тізіміне енген бизнесменнің мүлкі тәркіленеді
Бөлісу
Бөлісу
Бөлісу

Халықаралық іздеуде жүрген бизнесмен Анатолий Балушкиннің (БИПЭК компаниялар тобының акционері) мүлкі тәркіленеді. Бұл туралы Экономикалық ресурстардың заңсыз шоғырлануына қарсы іс-қимыл мәселелері жөніндегі комиссия хабарлады.

«2022 жылғы 11 шілдеде Шығыс Қазақстан облысында Анатолий Балушкинге қатысты іс бойынша сотқа 77 жылжымайтын мүлік («Рахман қайнары», «Нұртау» және «Порт Фортуна» демалыс базалары) пен 1 мың жылжымалы мүлікті сотқа дейін тәркілеу туралы қолдаухат жолданды», - деп мәлімдеді комиссия.

Анатолий Балушкин 2020 жылғы желтоқсанда Forbes нұсқасы бойынша Қазақстанның ең ықпалды 50 бизнесмені тізіміне енді. Сол кезде оның дүние-мүлкі 153 млн долларға немесе 65 млрд теңгеге бағаланған.

2020 жылы Балушкин басқарған «Азия Авто» автомобиль концерні дағдарысқа тап болды. Индустрия және инфрақұрылымдық даму министрлігі зауытпен ынтымақтастықты тоқтатып, компаниядан 10 жыл ішінде алған артықшылықтар мен жеңілдіктерді (405 млн доллар) қайтаруды талап етті.

Индустрия министрлігінің мәліметінше, компания өндірісті жаңғырту бойынша өз міндеттемелерін орындамаған. Сот талқылауларынан кейін Lada және Kia шетелдік серіктестері «Азия Авто» кәсіпорындарында автокөлік құрастыруды тоқтатты. Зауыттың екі мыңға жуық қызметкері жұмыссыз қалды.

Бұған дейін Нұр-Сұлтанның мамандандырылған ауданаралық экономикалық соты Индустрия және инфрақұрылымдық даму министрлігінің «Азия Авто» көлік құрастыру компаниясына қарсы шағымы бойынша шешім шығарды. Сот «Азия Авто» компаниясын мемлекетке шамамен 174 миллиард теңгені қайтаруға міндеттеді.

2021 жылғы тамызда «БИПЭК Авто Қазақстан» мен «Азия Авто» акционерлік қоғамдары акцияларының бақылау пакетінің иесі Анатолий Балушкинге іздеу жарияланды. Сот «Алаяқтық» бабы бойынша оны қамауға алу туралы сырттай шешім шығарды.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар