Жаңалықтар 22.07.2022 сағат 15:20

Алматыда тағы бір студент биіктен құлағалы тұрған 2 жасар сәбиді құтқарып қалды

Оқиға 21 шілде күні 18 қабатты «Алтынбұлақ» тұрғын үй кешенінде болған.
Бөлісу
Бөлісу
Бөлісу

Педагогикалық университеттің 19 жастағы студенті көпқабатты тұрғын үй кешенінің жетінші қабатынан құлап кете жаздаған екі жасар баланы аман алып қалды.

Алматы қалалық Төтенше жағдайлар департаментінің мәліметінше, оқиға 21 шілде күні 18 қабатты «Алтынбұлақ» тұрғын үй кешенінде болған.

Құтқарушыларға оқиға куәгері Нұр-Сұлтан қаласының тұрғыны Ермекбай Тамабаев хабарласқан. Оның айтуынша, кішкентай бала жетінші қабаттағы өрт баспалдағының қоршауына қысылып қалған.

«Баланың басы темір торға қысылып қалған. Денесі мен қолы сыртта, салбырап тұрды. Құлап кетуі мүмкін еді», - дейді куәгер Ермекбай Тамабаев.

Қолындағы бір жасар баланы тастап кете алмаған 67 жастағы қария көмекке үйдің кіреберісінде тұрған жастарды шақырған.

«Көмекке бір жас жігіт жүгіріп келді. Абырой болғанда, кішкентай баланы аман алып қалды», - дейді ол.

Ермекбай Тамабаев қайсар студентке алғысын білдірді. 19 жастағы жас қаһарман Махмуд Ерасыл Архатұлы - Абай атындағы педагогикалық университеттің дене шынықтыру факультетінің студенті екен.

 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар