Жаңалықтар 25.07.2022 сағат 11:00

«Вакцинация паспортын қолдан жасап, дәрі-дәрмектерді заңсыз таратты»: Батыс Қазақстанда медбике аурухана басшылығын айыптады

Бисенбаева медициналық қызметкерлерді вакцинация паспорттарын қолдан жасауға мәжбүр етеді.
«Вакцинация паспортын қолдан жасап, дәрі-дәрмектерді заңсыз таратты»: Батыс Қазақстанда медбике аурухана басшылығын айыптады
Бөлісу
Бөлісу
Бөлісу

Батыс Қазақстан облысында медбике аурухана басшылығын вакцинация паспортын қолдан жасап, дәрі-дәрмектерді заңсыз таратты деп айыптады, - деп хабарлайды Tengrinews.kz тілшісі Vera.kz сайтына сілтеме жасап.

Мемлекеттік қызмет істері агенттігіне Бәйтерек аудандық №2 ауруханасының жалпы тәжірибелік медбикесі Жанаргүл Калашниковадан хат келген. Бөлім басшысы Дархан Жазықбаевқа жазған өтінішінде әйел медициналық мекеме басшылығына шағымданған. Ол аурухана басшысы орынбасарының өрескел заң бұзғанын айтады.

"Бисенбаева (аурухана басшысы орынбасары - еск.) вакцинация кабинетінің медбикелерінен өзін, таныстарын және туыстарын нақты келмей COVID-19 вакцинациясы курсынан "өткізуді" талап етеді. Яғни, іс жүзінде ол медициналық қызметкерлерді вакцинация паспорттарын қолдан жасауға мәжбүр етеді, бұл коронавирус инфекциясын жұқтыратындар санын және осы аурудан экзотикалық жағдай санын ескере отырып, пандемия кезінде жол берілмейтін жағдай.

Сонымен қатар, мемлекеттік коммуналдық кәсіпорында басшылық қызметті атқара отырып, Бисенбаева өз жұмыс кабинетінде пациенттерді ақылы қабылдауды жүзеге асырады және науқастарды касса арқылы емес, оның жеке есепшотына немесе қолма-қол ақшамен төлем жүргізуге мәжбүрлейді. Бұл науқастар бюджет қаражаты есебінен аурухана стационарында Бисенбаеваның жеке нұсқауы бойынша емделеді, бұл ретте ауру тарихы ашылмайды және дәрілік заттар басқа пациенттерге есептен шығарылады", - деді Калашникова.

Бұл өтініштен кейін "медбике директор кабинетінде ұрыс естігені" айтылған. Медбикеден өтінішті қайтарып алуды талап етіп, бәрін өздері реттейтініне сендірген. Алайда Калашникова бұл деректер туралы тиісті органдарға хабарлаған.

"Оны басқа орынбасар шақырып, директордың атына баяндама келіп түскенін, онда Бисенбаева медбикені заң бұзғаны үшін айыптайтыны, бірақ іс-әрекеттер оның міндеттеріне кірмейтіндіктен заңбұзушылық анықталмауы мүмкін екенін жазған. Директор қарарында қызметіне тексеріс тағайындау және ҚЖНЫК жәрдемақысынан айыру туралы (медициналық-санитариялық алғашқы көмек көрсететін денсаулық сақтау субъектілерінде кешенді жан басына шаққандағы нормативтің ынталандырушы компонентінің  қаражаты - еск.) көрсетілген.

Баяндама оның хатымен бір күні жазылған. Осыдан кейін Калашникова "Ел намысы" арнайы мониторинг тобының төрағасы Рафаэль Гасановқа хат жазды. Әйел сот органдарын қоса алғанда, барлық инстанцияда өз шындығын дәлелдеуге дайын", - деп жазды басылым.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар