$ 451.77  485.97  5.07

Елордалық азамат базардан бес қошқардың етін ұрлап кеткен

Тергеу барысында ер адамның бұрын базарда жүк тиеуші болып жұмыс істегені және қойманың орналасқан жерін білетіні белгілі болды.

Астаналық кәсіпкер полицияға ірі сомаға мал ұрланғаны туралы арызданған деп хабарлады turkystan.kz.

Жедел-іздестіру іс-шараларын жүргізу кезінде тәртіп сақшылары мал базарының бұрынғы жұмысшысы, 29 жастағы күдіктіні ұстады.

«Қаскүнем түнде Алаш көшесінің бойындағы «Мал базарының» ангар бөлмесіне жасырын кіріп, бес қошқардың өлексесін ұрлап кеткен. Тергеу барысында ер адамның бұрын базарда жүк тиеуші болып жұмыс істегені және қойманың орналасқан жерін білетіні белгілі болды. Бейтаныс адамдардың жоқтығын пайдаланып, ер адам ұрлық жасаған», – деп мәлім етті Нұр-Сұлтан ПД баспасөз қызметі.

Аталған қылмысқа қатысты «Ұрлық» бабы бойынша сотқа дейінгі тергеу амалдары жүргізілуде.

Ұсталған ер адамның елорда аумағында бұрын жасалған осыған ұқсас қылмыстарға қатысының бар-жоғы анықталуда.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары