Жаңалықтар 04.08.2022 сағат 07:00

Шахмат олимпиадасы: Қазақстан әйелдер құрамасы бірінші рет жеңіліс тапты

Әйелдер құрамасы Әзербайжан командасынан 1:3 есебімен ұтылған.
Шахмат олимпиадасы: Қазақстан әйелдер құрамасы бірінші рет жеңіліс тапты
Бөлісу
Бөлісу
Бөлісу

Қазақстан әйелдер құрамасы Үндістанда өтіп жатқан Шахмат олимпиадасында Әзербайжанға есе жіберді. Бұл - қазақстандық шахматшылардың аталған сайыстағы алғашқы жеңілісі, деп хабарлайды ҚазАқпарат тілшісі.

«Спорт Шредингера» тelegram -каналының хабарлауынша, әйелдер құрамасы Әзербайжан командасынан 1:3 есебімен ұтылған. Ал, Жансая Әбдімәлік пен Бибісара Асаубаева қарсыластарымен тең түссе, Ксения Балабаева мен Гүлісхан Нахбаева жеңіліс тапты.

Осылайша, әйелдер құрамасының еншісінде 4 жеңіс, 1 тең ойын және 1 жеңіліс бар. Бұл көрсеткішпен қазақстандық команда Үндістандағы Дүниежүзілік шахмат олимпиадасының турнир кестесінде 6-орыннан 14-орынға сырғыды. Ертең - спротшылар үшін демалыс күні. Кейін 5 тамызда Қазақстан әйелдер құрамасы Вьетнаммен ойнайды.

Еске салсақ, кеше Шахмат олимпиадасында Қазақстан ерлер құрамасы Чехияны 2,5:1,5 есебімен ұтқан еді.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар