Жаңалықтар 05.08.2022 сағат 15:40

Ақтауда өз қызын ұрып өлтірген әйел сот үкіміне қарсы шықты

Апелляциялық алқа бірінші сатыдағы сот үкімінің заңды және негізді шығарылғанын, үкімді өзгертуге, оның күшін жоюға және апелляциялық шағымдардың дәлелдерін қанағаттандыруға негіз жоқтығын анықтады.
Ақтауда өз қызын ұрып өлтірген әйел сот үкіміне қарсы шықты
Бөлісу
Бөлісу
Бөлісу

Ақтауда 3 жасар қызын ұрып өлтірген әйел сот үкіміне шағым түсірді. Оған 8 жыл бас бостандығынан айыру жазасы тағайындалған, деп хабарлайды Zakon.kz.

Маңғыстау облыстық сотының қылмыстық істер жөніндегі сот алқасы баланың денсаулығына қасақана ауыр зиян келтіріп, абайсызда өлімге әкеліп соққан қылмыстық істі апелляциялық тәртіппен қарады.

«Бірінші сатыдағы сот үкімі бойынша әйелге 8 жылға бас бостандығынан айыру жазасы тағайындалды. Үкімге жәбірленушінің заңды өкілі, сотталған адам және оның адвокаты апелляциялық шағым жасады. Сотталушының қорғаушысы істі Қылмыстық кодекстің 106-бабы (абайсызда адам өліміне алып келу) бойынша қайта қарауды сұрады. Апелляциялық алқа бірінші сатыдағы сот үкімінің заңды және негізді шығарылғанын, үкімді өзгертуге, оның күшін жоюға және апелляциялық шағымдардың дәлелдерін қанағаттандыруға негіз жоқтығын анықтады. Сондықтан сот үкімі өзгеріссіз, апелляциялық шағымдар қанағаттандырусыз қалдырылды», – деді Маңғыстау облыстық сотының баспасөз қызметіндегілер.

Еске салсақ, оқиға биылғы 4 қаңтарда болған. Әйел қызын ұрып, итеріп жіберген. Ішімен үстелдің бұрышына соғылған балада гематома пайда болады. Бірнеше күннен кейін әйел тағы да ашулы күйде қызының ішінен ұрады. Содан кейін қызын үйге тастап, кетіп қалады. Бірнеше сағаттан кейін қыз дене жарақатынан қайтыс болған.
 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар